 |
| Butuan City Jail |
BUTUAN
CITY
– Tulo sa 820 ka mga piniriso sa Butuan City Jail ang naghambin sa sakit nga tuberculosis.
Gikabutyag ni Jail Officer 1
Psychie B. Macagaan, ang Inmates Welfare and Development Officer and Community
Relations Service Officer sa Butuan City Jail, ang mga nataptan sa maong sakit
ang pulos lalaki.
Dugang ni Macagaan, dili na
makonsidera nga peligro ang maong sakit sanglit dili na kini makatakod human
nahatagan sa hinanaling medikasyon ang mga nahisgotan.
Wala gidetalye sa opisyal kon
kinsa ang maong mga piniriso, apan gipaneguro lamang nga dili na kini angay
kabalak-an ang maong sakit.
Aminado ang opisyal nga kon duna
may sakit nga gihambin sa mga piniriso, gikonsidera na lamang nila kining
minimal sanglit bunga lamang matod pa kini sa pag-usab usab sa panahon sama sa
ubo, sip-on, apan nahatagan na og tambal ang mga nasakit.
Subay niini, hugot nga
gi-monitor sa kadumalahan sa maong pasilidad ang kahimtang sa panglawas sa mga
piniriso aron mahatagan gilayon og tambal kon kini masakit.
No comments:
Post a Comment