Breastfed Hugot nga Girekomenda

Ni Alex Mapoy

Breast milk is best ever milk compared to commercial infant formula.

BUTUAN CITY – Giawhag sa kadumalahan sa Department of Health (DOH) Caraga ang mga inahan nga batasanon ang pagpasuso sa bata.

Bisan daghang klase sa gatas nga gibaligya sa merkado, apan, giklaro ni DOH Caraga Local Health Support Division Chief Dr. Ernesto Pareja nga ang gatas sa inahan mao pa gihapon ang pinakamaayong gatas nga angayang imnon sa bata.

Mismo ang American Academy of Pediatrics (AAP) ug American College of Obstetricians and Gynecologists hugot nga nagrekomenda nga angayang pasusohon sa mga inahan ang mga bata.

Gipahayag sa mga eksperto nga ang gatas sa inahan naghatag sa mas “ideal nutrition” sa batang masuso. Gikonsidera kining “perfect mix” sa bitamina, protein, ug fat – o tanang bitamina nga gikinahanglan sa bata, ang anaa na sa gatas sa inahan.

Mas dali matod pang mahilis ang gatas sa inahan kon itandi sa “infant formula.” Dunay anti-bodies nga makatabang sa bata pagbatok sa nagkadaiyang klase sa virus ug bakterya.

Dako og matabang ang gatas sa inahan nga malayo o malikay ang bata sa sakit nga hubak o kaha allergies.

Kadtong mga masuso nga bata nga gipasuso sa gatas sa inahan gikan sa pagkahimugso hangtod sa unang unom ka bulan nga wala nasaguli sa bisan unsang klase sa “infant formula,” mas makapaubos kini sa risgo sa ear infections, respiratory illnesses, kalibanga, ug labaw sa tanan, dili kini daling masakit.

Mas suod ang pagbati sa bata sa inahan ug mabati usab niini ang inahanong pag-atiman. Pinaagi sa gatas sa inahan, ang bata makabaton sa hustong timbang ug dili sama sa gipainom sa komersiyalisadong gatas nga sa kadugayang inom, mahimong abnormal ang timbang.

Gawas niana, dunay benepisyong makuha ang inahan tungod sa pagpasuso sa anak diin makapakunhod kini sa timbang sa inahan nga nidako pag-ayo tungod sa pagsabak, mapagawas ang hormone oxytocin nga makatabang pagpabalik sa matris sa normal niining gidak-on ug maminusan usab ang pagdugo human sa pagpanganak, makunhoran ang risgo sa breast ug ovarian cancer, ingon man osteoporosis.