20 Oras Waterless Nasinati

Ni Alex Mapoy

Gi-ayo ang nag-leaking nga 4-inch diameter uPVC pipe 
interconnected to the 12-inch diameter uPVC pipe at 
Lemon Road crossing Amamaylan Road. Photo 
courtesy of BCWD

BUTUAN CITY – Baynte ka oras nga nawad-an og suplay sa tubig ang pipila ka bahin sa dakbayan sa Butuan human nagpahigayon og emergency repair ang mga personahe sa water district sa Lemon Road crossing Amamaylan Road ning siyudad.

Ang apektadong mga lugar naglangkob sa Lemon, IRA, Las Casas Elena, ug mga lugar nga duol sa Baan Km. 3 Barangay Hall.

Nawad-an og suplay sa tubig ang mga residente sa nahisgotang mga dapit sugod alas-10:00 kagahapon sa buntag hangtod alas-5:00 kaganihang buntag.

Sa impormasyon nga gipaabot ni Butuan City Water District (BCWD) Senior Public Relations Officer Ramil S. Barquin, giputol ang suplay sa tubig sa maong mga dapit human nag-leaking ang 4-inch diameter uPVC pipe nga interconnected ngadto sa 12-inch diameter uPVC pipe sa nasangpit nga dapit.

Mas gipili sa water district pagputol sa suplay sa naasoy’ng mga dapit aron mahatagan og kahigayonan ang ilang personahe pag-ayo sa nag-leaking nga tubo aron dili masayang ang tubig.

“BCWD Advisory (July 8, 2015; 9:10am): Lemon, IRA, Las Casas Elena and areas near Baan Km. 3 Barangay Hall will be waterless today from 10am to 5am tomorrow, July 9, 2015, due to emergency repair of leaking 4-inch diameter uPVC pipe interconnected to the 12-inch diameter uPVC pipe at Lemon Road crossing Amamaylan Road,” abiso ni Barquin.

Giklaro sa opisyal, kon ugaling sa nahisgotang mga oras, dunay tubig nga ni-agas sa gripo sa naasoy’ng mga lugar, segurado kini nga lubog hinungdan gitambagan kini nga dili gamiton o mas maayong isira na lamang ang gripo sanglit ang tubig nga ni-agas ang dili mapuslan.