Inmates sa BCJ, Nalipay

Ni Alex Mapoy

BUTUAN CITY – Gikalipay sa mga binilanggo sa Butuan City Jail human gihatagan sila og importansya sa kadumalahan sa maong pasilidad.

Hisayran nga ubay – ubay nga mga kalihokan ang gihan-ay alang sa usa ka semana nga selebrasyon sama sa Legal Counselling, Medical Mission, Information Drive sa Parole and Probation Office Butuan, Ball Games, Cheese, Table Tennis, ug Mr. & Miss BCJ, ug Family Day with Live Band.

Sumala ni Jail Officer 1 Psychie B. Macagaan, ang Inmates Welfare and Development Officer and Community Relations Service Officer sa Butuan City Jail, taliwala nga sila nakahimo og kalapasan sa balaud, apan giila pa gihapon sila sa kagamhanan nga bililhong indibidwal.

Jail Officer 1 Psychie B. Macagaan

Dugang ni Macagaan, isip pagpakita nga sila bililhon, daghang kalihokan ang gihan-ay aron lamang mahatagan og kalingawan ang mga nahisgotan.

Gipasabot usab sa opisyal nga bisan sila piniriso, apan dili kini angay nga ikasakit sa mga inmates sanglit gihimo ang pagbalhog kanila sa prisohan alang sa ilang kaayohan ug silbing bayad sa nahimo niining kalapasan.

“Kon baga, atong pagpakabana sa mga residents dinhe sa Butuan City Jail. Nagpakita usab kini og paghatag bili sa atong mga kaigsuonan nga nawala sa kuan hinungdan nga pansamantala, gibutang sila dire for the good and benefits para sa ilaha,” pagtin-aw ni Macagaan.

Sa latest nga datos, ang maong pasilidad dunay 820 ka buok populasyon diin 735 niini mga lalaki ug 85 usab mga babae.