Pamilyang Otaza, Gikonsiderang Sibilyan

Ni Alex Mapoy

4ID commander MGen Oscar Lactao

BUTUAN CITY – Gitin-aw sa Armed Forces of the Philippines (AFP) ug Philippine National Police (PNP) ang pamilyang Otaza nga sibilyan taliwala nga dunay nakuhang mga armas ang rebeldeng grupo dihang gisulod ang panimay ning siyudad adtong Oktobre 19 sa gabii.

Gikabutyag nila 4ID commander MGen Oscar Lactao ug PRO 13 Regional Director CSupt Vert Chavez, makonsidera pa gihapon nga sibilyan ang pamilyang Otaza sanglit dili sila combatant pinasubay sa counter insurgency perspective.

“Marami namang sibilyan na may baril na may license, di ba? But they are still not-combatant,” pahayag ni Lactao.

“Sa perspective ng counter insurgency, he is considered as non-combatant,” pagtin-aw ni Chavez.

Apan gitin-aw ni Lactao, kon non-combatant ang indibidwal, dili kini angayan nga patyon sa mga rebelde.

Bisan matod pa kon unsay isyu nga ihapak ngadto sa usa ka indibidwal nga non-combatant, dili makatarunganon nga kutloon ang kinabuhi niini.

PRO 13 Regional Director CSupt Vert Chavez

Pamugos ni Lactao, bugtong dunay katungod nga mo kuha sa kinabuhi sa tawo mao lamang ang Labaw nga Makagagahom.

“Pag non combatant ka, di ka dapat papatayin. Kahit ano pa ang iniisyu sayo, it is not justifiable na kunin ang buhay mo. Ang puwedeng kumuha sa buhay natin ay walang iba kondi ang ating Dios,” pagtin-aw ni Lactao

Samtang, gipaneguro ni Chavez nga kadtong mga armas nga nakuha sa rebeldeng grupo gikan sa panimay sa pamilyang Otaza ang ila kining imbestigahan.

“He is a local executive. Yong armas na nakuha sa kanya ay under investigation,” pasalig ni Chavez.