Quiz Show, 2 Mikampeon

Ni Alex Mapoy

BCWD Senior Public Relations Officer 

Ramil S. Barquin

BUTUAN CITY – Nanghawod sa gipahigayon nga BCWD Quarterly Water Quiz Show ang pambato sa Sumilihon Central Elementary School ug Cabcabon National High School sa Jesus Family Ministries Hall ning siyudad kagahapong adlawa.

Giila ni BCWD Senior Public Relations Officer Ramil S. Barquin ang nahisgotang mga pambato nga sila Baby Russelle Cogal sa Sumilihon Central Elementary School ug Clark Bryce Escabarte sa Cabcabon National High School.

“Baby Russelle Cogal of Sumilihon Central Elementary School and Clark Bryce Escabarte of Cabcabon National High School were declared champions for Elementary Level and High School Level, respectively, in the just concluded BCWD Quarterly Water Quiz Show at Jesus Family Ministries Hall,” pag-ila ni Barquin.

Nakasentro ang mga pangutana kalabot sa pagkonserba sa tubig ingon man sa kinaiyahan.

Katuyoan sa naasoy’ng kalihokan nga mahimong kabahin ang kabataang magtutungha sa pag-asdang sa adbokasiya sa Butuan City Water District (BCWD)pagpanalipod sa kinaiyahan ug pagkonserba sa tubig.

Gihimo ang maong kalihokan ka upat sa isa ka tuig diin matag pambato sa nagkadaiyang tunghaan ning siyudad ang magtigi sa kalantip sa pangutok.

Alayon niini, mapasalamaton ang opisyal sa tanang eskwelahan nga aktibong nisalmot sa naasoy’ng kalihokan.