PDRRMC Agusan Nisakmit og Pasidungog

Ni Alex Mapoy

Nahimong hagit sa liderato ni Erma R. Suyo sa PDRRMC Agusan del Norte ang pagmintina sa maong pasidungog sa umaabot nga katuigan. Photo courtesy of Sonny T. Montilla

AGUSAN DEL NORTE – Garbo sa probensyal nga kagamhanan sa Agusan del Norte human nisakmit og pasidungog ang Agusan del Norte Provincial Disaster Risk Reduction Management Council (PDRRMC).

Sa gihimong Annual “GAWAD KALASAG” Search for Excellence in Disaster Risk Reduction Management (DRRMC) and Humanitarian Assistance 2015, ang PDRRMC Agusan del Norte maoy nahimong 1^st Placer alang sa Provincial DRRMC Category sa tibuok rehiyon sa Caraga.

Hisayran ang PDRRMC Agusan del Norte gidumala ni Erma R. Suyo.

Gihatag ang maong pasidungog atol sa gihimong Regional Awarding sa Almont Inland Resort nga gipasiugdahan sa Regional Selection Committee sa Gawad KALASAG 2015.

Subay niini, nahimong hagit sa kadumalahan ni Suyo nga mamintina ang maong pasidungog sa umaabot nga katuigan uban sa pag-abag sa mismong ginsakpan ug sa suporta sa probensyal nga panggamhanan.

“The Agusan del Norte Provincial Disaster Risk Reduction Management Council (PDRRMC) headed by Ms. Erma R. Suyo won as 1st Place in Annual “GAWAD KALASAG” Search for Excellence in Disaster Risk Reduction Management (DRRMC) and Humanitarian Assistance 2015, for the Provincial DRRMC Category among other provinces in Caraga Region.”