Otaza Killing, Ikondina sa CHR

Ni Alex Mapoy

CHR Caraga Special Investigator Russell Valeroso

BUTUAN CITY – Gitakda nga magpagawas ang Commission on en banc sa Commission Human Rights (CHR) og opisyal nga pahayag aron ikondina ang pagdagit – patay sa mag-amahang Otaza.

Sumala ni CHR Caraga Special Investigator Russell Valeroso, ang gihimong pagpatay sa mga kriminal ngadto nila Loreto Mayor Dario Otaza ug anak niining si Daryl, usa ka dakong kalapasan sa balaud.

Katarungan ni Valeroso, ang pagkutlo sa kinabuhi sa mga biktima, nagtimaan nga gihikawan sa mga responsable nga magpadayon sa pagpakabuhi ning kalibotan ang mga nahisgotan.

Alang sa opisyal, dunay nagtunhay nga balaud ang nasod Pilipinas hinungdan nga angayan kini nga sundon.

Pasabot sa nauwahi, ang pagpatay dili maoy kataposan kondi angayang sundon kon unsa ang sakto nga proseso sa pagdungog sa kaso.

Gipasalig sa opisyal, ang opisyal nga pahayag sa komisyon, ipagawas sa labing dali nga panahon.

Una nang gi-angkon sa walhong grupo nga sila ang nidagit patay sa mag-amahang Otaza tungod matod pa sa dili na maihap nga kalapasan sa tawhanong katungod sa mga biktima ngadto sa yanong katawhan.