Administrador sa NMSF Gipulihan

Ni Alex Mapoy

BUTUAN CITY – Bag-o na ang nagdumala sa Northern Mindanao School of Fisheries (NMSF) nga nahimutang sa Brgy. Matabao, Buenavista, Agusan del Norte.

Hisayran nga gihulipan si Vocational School Administrator II Felipe A. Maneja II human kini nagretiro sa serbisyo.

Sa impormasyon ni Technical Education and Skills Development Authority (TESDA) Caraga Specialist 1 Robert Roperos, gipulihan si Maneja ni TESDA-Caraga Regional Director Florencio F. Sunico, Jr. isip OIC School Administrator.

“Following the retirement of Mr. Felipe A. Maneja II, Vocational School Administrator II of the Northern Mindanao School of Fisheries (NMSF) in Matabao, Buenavista, Agusan del Norte, TESDA-Caraga Regional Director Florencio F. Sunico, Jr. tookover as the OIC School Administrator,” pagkomperma ni Roperos.

Alayon niini, nipahigayon og ocular inspection si Dir. Sunico sa tanang kabtangan ug kahimanan sa maong tunghaan.

Gihimo kadto aron masayran kon unsa pa nga mga kahimanan ang puwedeng mapuslan alang sa pagpalambo sa maong tunghaan.

“RD Sunico conducted an ocular inspection of the properties of the school which is deemed beneficial in the conduct of planning for the improvement of the TESDAadministered school in Agusan del Norte,” dugang sa opisyal.

Nakigtagbo na usab si Dir. Sunico sa tanang faculty and staff sa maong tunghaan aron mahisgotan ang mga plano nga ipatuman sa opisyal isip bag-ong tagdumala.