 |
BPVs: Gituohan ni PopCom
Caraga Regional Director Alexander
A. Makinano nga dako og ikatabang ang Barangay
Population
Volunteers nga mapaasdang ug maplastar pagpatuman ang
Responsible
Parenthood, Reproductive Health and
Family Planning sa lebel sa komunidad.
|
BUTUAN
CITY
– Hitsas na sa kahibalo ug andam na ang mga bag-ong Barangay Population
Volunteers (BPVs) sa Population Commission Caraga nga mohatag giya sa magtiayon
sa tagsa-tagsa ka komunidad nga sakop sa dakbayan sa Butuan ug sa siyudad sa
Cabadbaran ingon man sa probensya sa Agusan del Sur human hingpit nga
napailawom sa komisyon sa short course lambigit sa Responsible Parenthood and
Family Planning (RPFP) sa sayong bahin ning bulana.
Ang gitambongang
pagbansay sa nahisgotang mga BPVs, kahibaloan nagtumong nga mapalambo ang
kakapas sa mga nahisgotan nga mahimong mas epektibo ug makahatag sa de kalidad
nga kasayoran ngadto sa magtiayon kabahin sa “family planning and
health-related information and services” ug paghimo sa ilang tahas ug kaakohan
sa tagsa-tagsa ka barangay.
Gikabutyag
ni PopCom Caraga Regional Director Alexander A. Makinano, ang napailawman nga
pagbansay sa mga nahisgotan naglakip pagtuki kabahin sa “interpersonal
communication (IPC), counselling techniques, ug paghatag igong kabangkaagan
kabahin sa “modern methods” sa pagplano sa pamilya.
Nagtuo
si Makinano nga ang pagbansay sa mga nahisgotan ug paghatag dugang kahibalo sa
mga BPVs dako og ikatabang nga mapaasdang ug maplastar pagpatuman ang Responsible
Parenthood, Reproductive Health and Family Planning sa lebel sa komunidad.
Sa
maong kalihokan, nahimong kaabag sa komisyon ang Department of Health (DOH)
Caraga nga mahimo kining magmalamposon.
Daan
nang gipasabot ni PopCom Caraga Technical Section Chief and Information Officer
III Rutchie C. Saluta nga makig-alyansa ang komisyon sa maong ahensya aron
mahimong mas epektibo ang programa sanglit ang naasoy’ng ahensya maoy maghatag
og “commodities” sa ingon mahimong konkreto ang plano sa magtiayon.
No comments:
Post a Comment