Sportsfest Gidayeg sa Gobernadora

Ni Alex Mapoy

Courtesy of Johny S. Natad of RPAO-DENR Caraga

BUTUAN CITY – Hingpit nang gitak-opan ang tulo ka adlaw nga DENR Sportfest 2015 nga gisugdan adtong Hunyo 22 ug gitapos adtong Hunyo 24 diha sa Agusan del Norte Provincial Capitol Covered Court.

Nagsilbi kining hightlight sa isa ka bulan nga selebrasyon sa Environment Month diin gisaw-an ang mga dulang basketball, volleyball, dart, bowling,lawn tennis, table tennis, ug badminton.

Sumala ni Johny S. Natad sa DENR Caraga, gidasig ni DENR Caraga Regional Director Nonito M. Tamayo ang tanang partisipante nga pinaagi sa nagkadaiyang duwa, mahimo usab kining madasigon sa pagbuhat sa nahibiling trabaho nga gitinguhang kab-utong mahuman ning tuiga.

“Sport makes a person’s body and mind healthy and strong. This sportsfest is timely since this is the time when wewill be recharged withadditional energy and flex our musclesfor works ahead to finish the remaining targets this year,” pagdasig ni Dir. Tamayo.

Subay niini, ni-ani kini og pagdayeg gikan kang Agusan del Norte Gov. Ma. Angelica Rosedell Amante – Matba sanglit ang duwa nagpakusog matod pa sa espirito sa panag-uban (camaraderie) sa mga empleyado.

Gisalmotan ang nahisgutang kalihokan sa mga empleyado sa Environmental Management Bureau (EMB), Mines and Geosciences Bureau (MGB),  Regional Office, Provincial Environment and Natural Resources Offices (PENROs), City Environment and Natural Resources Offices (CENROs).

Dumdoman nga gibuksan ang selebrasyon sa Environment Month pinaagi sa pagpahigayon og Lakad Para Sa Kalikasan nga gisugdan sa Guingona Park padulong sa Capitol Compound sa Agusan del Norte.