Kalamidad Gipangandaman sa Kapulisan

Ni Alex Mapoy

DRILLING: Gipailawom sa kapulisan sa Carmen 

Municipal Police Station ang tanang magtutungha sa 

Carmen National High School sa earthquake, fire,

 ug tsunami drilling sa tinguna nga malikayan ang 

dakong kadaut nga ihatod sa kalamidad. 

Photo courtesy of Carmen MPS

CARMEN, Agusan del Norte – Gipangandaman sa liderato sa Carmen Municipal Police Station (MPS) ang posibleng pag-igo sa nagkadaiyang porma sa kalamidad sa naasoy’ng lungsod.

Nakig-alyansa ang kapulisan sa pagpanguna ni OIC PSI Edgar Allan G. Serquiña sa Carmen MPS ngadto sa Bureau of Fire Protection (BFP) Carmen, ug Carmen Rescue Team aron mahilikay ang mga Carmenanon sa dakong kadaut nga ihatod unya sa katalagman.

Pipila sa kalamidad nga gipangandaman mao ang pag-igo sa kusog nga linog, paghapak sa tsunami, ug posibleng pag-ulbo sa kalayo.

Alayon niini, gipailawom ang tanang magtutungha sa Carmen National High School sa usa ka komprehensibo nga drilling sa pagpanguna ni PSI Serquiña uban sa pag-abag sa mga counterparts.

Gitudloan sa awtoridad ang tanang estudyante kon unsa buhaton sa higayon mo igo ang kusog nga linog, dunay mo hapak nga tsunami, ug mahitabong sunog.

Subay niini, mapasalamaton ang kapulisan sa tanang magtutungha nga sento porsyento kining nilambigit sa maong kalihokan dungan sa panghinaut nga dili makalimtan kon unsay nakat-onan sa maong aktibidad.

“PNP PERSONNEL OF CARMEN MPS LED BY PSI EDGAR ALLAN G SERQUIÑA, OIC FACILITATED THE EARTHQUAKE, FIRE AND TSUNAMI DRILL TOGETHER WITH CARMEN RESCUE TEAM AT CARMEN NATIONAL HIGH SCHOOL.”

Hisayran ang lungsod sa Carmen nahimutang sa kasadpang bahin sa Agusan Corridor ug nag-atubang sa dagat diin kasagaran sa mga nanimuyo sa maong lungsod ang nabuhi pinaagi sa pagpanagat.