Hakot System Gikaalarma

Ni Alex Mapoy

ADVISORY: Dili magpahaylo sa hakot system nga gihimo sa pipila ka health care provider nga adto kini magpahiling kay libre ang pagkaon ingon man pamasahe.

BUTUAN CITY – Daling gipasidan-an sa rehiyonal nga buhatan sa Philippine Health Insurance Corporation (PhilHealth) ang tanang membro nga dili magpadala sa nikaylap nga modus operandi sa pipila ka mga health care providers nga manghakot og pasyente.

Nasuta nga modus sa pipila ka mga health care providers nga hanyagan ang pasyente nga adto kini magpahiling sa ilang pasilidad diin hayluon kini nga libre ang pagkaon ug pamasahe sa ingon maengganyo ang hingtungdan.

Sa impormasyon nga gipaabot ni Kenneth Po sa PhilHealth Caraga, angayan nga dili magpahaylo sa maong modus sanglit posible nga mabutang sa peligro ang panglawas sa pasyente gumikan kay dili pa klaro kon de kalidad ba nga serbisyo ang mahatag niini.

Kasagaran sa puntirya sa maong modus mao kadtong membro sa PhilHealth sanglit nakita sa mga nahisgotan nga duna kini ikabayad tungod sa benepisyong makuhan gikan sa buhatan.

“We would like to caution the public against the practice of certain health care providers to herd (hakot) patients, enticing them to undergo procedures in exchange for free meals and transportation.”

“This practice can put the members’ safety at risk and may render the quality of services provided under such a set-up doubtful, as continuity of care is not assured after the procedure is done.”

“Members are therefore encouraged to be wary about “seekers” who may approach them for certain medical procedures that they may not necessarily need,”mensahe ni Po.

Una nang nagpahimangno si PhilHealth President and CEO Alexander Padilla sa tanang membro nga dili kini magpadala sa maong modus operandi sanglit walay kasegurohan nga mahatagan kini sa de kalidad nga serbisyo.

Nigawas kini nga modus bunga sa pagsulbong sa ihap sa mga health care providers.