Balance Diet and Exercise, Awhag sa Principal

Ni Alex Mapoy

BALANCE DIET: We all need a healthy body. We need a well-balanced and nutritious food and exercise to stay fit, said by School Principal Rev. Benjamin Guimary. Photo by Alex Mapoy

BUTUAN CITY – Gidasig sa kadumalahan sa Butuan Faith Christian School ang tanang magtutungha nga mintinahon ang kahimsog sa panglawas pinaagi sa pagkaon sa masustansiya nga pagkaon, ug batasanon ang pag-ehersisyo aron maangkon ang saktong timbang.

Tambag ni Rev. Benjamin Guimary, ang School Principal sa nahisgotang pribadong eskwelahan, sa tanan niining mga estudyante, batasanon ang pagkaon sa masustansiyang pagkaon ug kanunay kining mag-ehersisyo aron permi nga laski ang panglawas.

Gipasabot ni Rev. Guimary, ang gikaon nga pagkaon matag adlaw maoy maghatag kabaskog sa lawas ug kon dili puno sa bitamina ang pagkaong gikaon, ang “metabolic process” maproblema ug ang kalaski sa lawas makuhaan.

Pamugos sa school principal, kon kini ang mahitabo, mahimong luya ang lawas hinungdan nga kanunayon ang pagkaon sa masustansiyang pagkaon ug batasanon usab ang pag-ehersisyo aron kini malikayan.

“It is our culmination program for our nutrition emphasis this month – with a theme: Timbang iwasto sa tamang nutrisyon at ehersisyo! This is a good reminder to all of us, because we all need a healthy body. We need a well-balanced and nutritious food and exercise to stay fit.

We know that the food we eat everyday gives our bodies the materials to function properly. If we don’t give our body the right materials (food) our metabolic processes suffer and our health will decline. We become sickly. So, let’s take charge of our health and our whole well-being,” mensahe ni Rev. Guimary.

Atol sa Nutrition Month Culmination sa maong tunghaan adtong Bernes, gipakita sa kabataang magtutungha ang nagkadaiyang presentasyon nga nag-awhag sa matag isa nga walay laing paagi aron magpabiling normal ang timbang kondi pinaagi lamang sa pagkaon sa mga pagkaon nga puno sa bitamina ug kada adlaw, himuon ang pag-ehersisyo aron kanunay baskog ang lawas.