FSUU Nagpabiling Kampeon

Ni Alex Mapoy

Photo courtesy of BCWD

BUTUAN CITY – Padayong nanghawod ang mga pambato sa Father Saturnino Urios University (FSUU) human nasakmit ang kampeonato sa 6th BCWD Parliamentary Debate nga gipahigayon sa Jesus Family Ministries ning siyudad adtong Bernes.

Atol sa championship match, nagkainitay ang duha ka habig diin sentro sa debate ang kabahin sa tema, "This house believes that the local solution is preferable to the global solutions on how to mitigate the effects of El Nino to water supply."

Taliwala pa man sa palusot sa kaatbang, nipatigbabaw pa gihapon ang mga debatista sa FSUU hinungdan sila ang gideklarang kampeon.

Sumala ni Butuan City Water District (BCWD) Ramil S. Barquin, namintina sa FSUU ang kampeonato sukad gisugdan ang BCWD Parliamentary Debate mga unom ka tuig na ang nakalabay.

Nanghinaut ang opisyal nga pinaagi sa maong kalihokan, dunay nakutlo ang mga nisaksi ingon man mga estudyante kabahin sa hisgotanang pagbatok sa mahimong epekto sa El Niño.

“Contingents from FSUU won in the championship match of the 6th BCWD Parliamentary Debate, held today at Jesus Family Ministries, with the motion, "This house believes that the local solution is preferable to the global solutions on how to mitigate the effects of El Nino to water supply." FSUU remains undefeated champion since the BCWD Parliamentary Debate started 6 years ago,” mensahe ni Barquin.