Water Conservation Advocacy Gihingusgan

Ni Alex Mapoy

Luyo sa kalinghod sa edad, gisugdan na 

kini pagpasabot sa water district kon 

unsa ka importante ang pagkonserba 

sa tubig ingon man sa kinaiyahan. 

Photo courtesy of BCWD

BUTUAN CITY – Gipakusgan sa kadumalahan sa Butuan City Water District (BCWD) ang adbokasiya pagpasabot sa katawhan kabahin sa kabililhon pagkonserba sa tubig.

Dili lang dagkong tawo ang gipasabot sa maong adbokasiya kondi lakip na ang gatosan ka mga magtutungha sa Lumbocan Elementary School sakop ning siyudad.

Sumala ni BCWD Senior Public Relations Officer Ramil S. Barquin, pipila sa mga punto nga gipasabot ngadto sa kabataan mao ang paagi pagbatok sa epekto sa “Strong El Nino.”

Dugang ni Barquin, isa sa mga paagi nga mabatokan ang epekto sa huwaw mao ang pagkonserba o dili pag-usik usik sa tubig.

Una nang gitagna sa Philippine Atmospheric, Geophysical and Astronomical Services Administration (Pagasa) nga ang nasinatiang Strong El Niño mo lungtad pa kini sa Hunyo 2016.

Gawas sa pagkonserba ug pagdaginot sa tubig, gipasabot usab ngadto sa kabataan ang kabililhon sa pagpanalipod sa kinaiyahan labi na sa tinubdan sa tubig sa water district ang Taguibo Watershed Area.

Nanghinaut na lamang ang opisyal nga pinaagi sa ilang gihimo, magdako ang kabataan nga puno sa kahibalo kon unsaon pagkonserba ug pagdaginot sa tubig.

“Over 100 pupils of Lumbocan Elem. School participate in the on-going Bisita Eskwela of BCWD. Highlighting the activity is the lecture on Water Conservation as one way of adapting to the effects of the Strong El Nino happening now and will last until June 2016. This activity is part of the agency's Water and Environment Advocacy Program, which inculcates in the minds of the youth the importance of water and environment,” mensahe ni Barquin.