Pagmuntar og Solar Cell, Aprub sa Aneco

Ni Alex Mapoy

BUTUAN CITY – Aprubado sa Agusan del Norte Electric Cooperative (Aneco) Inc. nga mo gamit ang mga konsumidor og Solar Cell sa panimay.

Sumala ni Aneco Technical Services Department Manager Engr. Darwin T. Daymiel, dako og tabang ang Solar Cell nga maminusan ang gikinahanglang suplay sa kuryente sa tibuok probensya sa Agusan del Norte.

Tambag lamang ni Engr. Daymiel, adiser ang konsumidor mo taud og Solar Cell, mo duso una kini og aplikasyon sa Aneco sa ingon mahimo kining legal.

Dugang ni Engr. Daymiel, dunay kasabotan nga permahan ang aplikante ug Aneco kabahin sa plano niining pagtaud og Solar Cell sa kaugalingong panimay.

Pamugos pa sa opisyal, pipila na ka mga konsumidor ang padayon nga nag-proseso sa ilang aplikasyon sa ilang buhatan ug nagtimaan kini nga dili supak ang Aneco sa maong lakang.

Giklaro pa sa opisyal, wala did-i ang konsumidor magtaud og Solar Cell, apan kinahanglan ang pagtaud niini, ipaagi sa saktong proseso aron dili mapahamtangan og penalidad.

Ang Solar Cell usa ka maayong alternatibo nga producer sa kuryente, apan, panahon sa pagdaut sa panahon o kaha panahon sa gabii, ang maong matang sa energy provider ang dili makahatag og kuryente sanglit wala namay adlaw nga maoy makuhaan sa enerhiya.