Konsumidor Subleng Gi-abisohan

Ni Alex Mapoy

Lubog nga tubig sa watershed nisangko sa temporaryong pagsuspendi sa operisyon sa mga pasilidad sa Butuan City Water District. Courtesy of BCWD

BUTUAN CITY – Temporaryong gisuspendi sa Butuan City Water District (BCWD) ang operisyon sa mga pasilidad sa Taguibo River Watershed Forest Reserve sa Sitio Iyao, Brgy. Anticala ning siyudad human nasinatian sa watershed area ang pagbundak sa makusog nga ulan.

Sa abiso nga gipadala ni BCWD Senior Public Relations Officer Ramil S. Barquin, dili makaya ang kalubog nga hatod sa maong pag-ulan hinungdan nga gihunong una ang operisyon sa mga pasilidad aron dili kini madaut.

“WATER STATUS UPDATE (June 22, 2015; 8:00 a.m.) As of 8:00 a.m., Monday, June 22, 2015, the Butuan City Water District (BCWD) has temporarily suspended the operation of the facilities at Sitio Iyao, Barangay Anticala due to the rainy weather at the Taguibo River Watershed Forest Reserve,” mensahe ni Barquin.

Subay niini, daling gipa-aktibo ang 5 ka production wells aron makatubig ang pipila ka bahin sa siyudad. Apan, daling gi-angkon ni Barquin, ang water production gikan sa mga nahisgotan ang dili pa igo sa mga konsumidor nga gikinahanglan matag adlaw.

Niini nga kahimtang, gipasidan-an sa opisyal kadtong mga konsumidor nga namuyo sa matod pa, “end points” ug nahimutang sa habog nga mga lugar ang lauman na lamang nga walay tubig nga moa gas.

“In the meantime, the five (5) production wells are temporarily operated to augment the water supply. However, the volume of water produced by the five (5) production wells and the partial operation of the Filtration Plant cannot adequately supply the demand needed by the City. As such, areas located at the end points of the system, especially those located in high places may be waterless,” dugang mensahe sa opisyal.

Alayon niini, gitambagan na lamang sa opisyal kadtong mga lugar nga aduna pay agas nga mas maayong magtigom og daghang tubig aron duna kini magamit sa higayon nga mawala ang suplay sa water district.

Dugang tambag usab sa opisyal, mas maayong batasanon sa mga konsumidor nga magpundo og daghang tubig bisan dunay agas sanglit dili mahibaw-an ang kahimtang sa watershed area sa ingon duna gihapon kini tubig nga magamit kon ugaling mawala ang suplay.

“For areas wherein there is still water in their faucets, we suggest the consuming public to store water to meet domestic needs.”

“Normal water pressure will be restored upon resumption of the operation of the facilities at the source.”

“We sincerely regret the inconvenience,” tambag sa opisyal.

Ang ON/OFF nga serbisyo sa water district ang padayong masinatian hangtod dili mahuman ang higanteng impounding weir nga gipaspasan paghimo sa Taguibo Aquatech Solutions Corporation (TASC).

Nasuta ang maong proyekto maoy kasamtangang gilauman sa water district nga maghatag sulbad sa ON/OFF nga serbisyo labi na panahon sa ting-ulan.

Sa pinakaulahing mensahe nga gipaabot sa opisyal, balik na sa normal ang operisyon sa pasilidad.

Bisan pa man, gitambagan pa gihapon sa opisyal ang publiko nga padayong magpundo og tubig aron kon mawala ang suplay sa tubig, duna kini magamit labi pa nga kanunay masinatian ang pag-ulan ulan sa watershed area.

“WATER STATUS UPDATE (June 22, 2015; 3:00 p.m.)

“As of 3:00 p.m., Monday, June 22, 2015, the Butuan City Water District’s (BCWD) operation is already back to normal.”

“As a precautionary measure, with the continuing rainy weather, we suggest the consuming public to store water to meet domestic needs. This is in case BCWD will once again temporarily suspend the operation of the facilities at the source,” mensahe sa opisyal.