Bakanteng Trabaho Gibuksan

Ni Alex Mapoy

DSWD Logo.

BUTUAN CITY – Dako ang tsansa sa mga job seekers nga makasulod og trabaho kon sa Department of Social Welfare and Development (DSWD) Caraga kini mangaplay human pipila ka mga bakanteng trabaho ang gibuksan bag-ohay lamang.

Sa mga nangita og trabaho, mahimong mangaplay kini sa rehiyonal nga buhatan sa nagkadaiyang posisyon sama sa Social Welfare Aide, Social Welfare Officer II, Administrative Officer II, Community Development Assistant, Project Development Officer I, Deputy Area Coordinator, ug Regional Information Officer.

Dawaton sa mahimong successful applicant ang binulan nga sweldo gikan P11,181 hangtod P31,351 kansa dako na kaayo kini og ikatabang sa inadlaw nga panginahanglan.

Pinakaubos nga kwalipikasyon nga gikinahanglan alang sa mas ubos nga posisyon ang second year college hangtod college graduate.

Sa mga interesado, mahimo kining magpadala sa application letter og i-address ngadto kang DSWD Caraga Regional Director Minda B. Brigoli, CESO III, ilakip ang comprehensive resume, 2x2 ID picture, certificate of eligibility, certificate of relevant trainings and seminar, ug kopya sa permado nga Individual Performance Contract/ Summary of Rating of Performance Contracts Assessment.

Mahimo usab nga ipadala ang application letter agi sa email add ang hrdu.focrg@gmail.com.

Gihimo kini sa rehiyonal nga buhatan aron mapadayonon ang paghatag sa de kalibre nga serbisyo ngadto sa mga Caraganons.

Sa dugang kasayoran, mahimo kining makig-alayon sa rehiyonal nga buhatan pinaagi sa pagtawag sa linya sa telepono ang 342-5619 ug pangitaon lamang si Ms. Rosalie I. Vasquez.