Line-Up sa Bando Lawig, Gideklara

Ni Alex Mapoy

BUTUAN CITY – Pormal nang gideklara sa Bando Lawig ang opisyal nga line-up nga maoy mosabak sa nagsingabot nga piliay sunod tuig sa Big Daddy’s Convention Center sa dalang J.C Aquino ning siyudad kagahapon sa hapon.

Basi sa deklarasyon, ang Bando Lawig naglangkob sa mo sunod;

Pagka-kongresista      : Incumbent Congressman Lawrence Fortun

Pagka-mayor             : Engr. Ronnie Vicente “Ronnie Vic” Lagnada

Pagka-bise mayor       : kanhi kongresista Jose “Joboy” S. Aquino, II

Pagka-konsehal

1. Incumbent Libertad Barangay Captain Vincent Rosario
2. Incumbent City Councilor Atty. Rema Burdeous
3. Incumbent City Councilor Direck Plaza
4. Incumbent City Councilor Ferdinand Nalcot
5. Atty. John Gil Unay
6. Omar Andaya
7. Atty. Glenn Carampatana
8. Cromwel Ortega
9. Atty. Ehrnest John Sanchez

Ang deklarasyon gihimo atubangan sa subra isa ka libo ka mga Butuanon kinsa nitambong sa gibansagang “Panagtigum sa mga Higala ug Kauban.”

Wala nagtuo si Cong Fortun nga dagsaon kini sa kahigalaang Butuanon ang maong tigom sanglit igo lang kini gi-texan nga dunay panagtigom nga himuon sa maong dapit, isa ka adlaw adiser ang deklarasyon.

Alang kang Fortun, gikalipay niya pag-ayo ang maong pagsanong sa mga Butuanon taliwala sa kahamubo sa panahon sa pagpahibalo taliwala nga wala kini gipadal-an og pormal nga sulat alang sa maong okasyon.

Paneguro sa kongresista ngadto sa tanang nitambong nga ang kadumalahan ilawom sa Bando Lawig, alang sa ikaayo sa tanang Butuanon.