 |
Grupo sa mga Datu nga mipagawas og Manifesto aron ikondina ang
kasamtangang gobernong Aquino.
|
BUTUAN
CITY
– Hugtanong gikondina sa mga lideres sa lumad sa Caraga ang kagamhanang Aquino
tungod sa gihimong pagpangdaugdaug sa tribo gamit ang mga galamay.
Sa gipahigayong tigom sa 27 ka
mga tribong lumad nga na gikan sa Manobo, Mamanwa, ug Banwaon nga na gikan sa
13 ka mga munisipyo sa tulo ka probensya sa rehiyon, mipagawas ang mga
nahisgotan og manifesto aron ipasibaw ang ilang sentiment.
Gikondina sa grupo ang gihimo
matod pa sa Armed Forces of the Philippines (AFP), National Commission on
Indigenous Peoples (NCIP), ug sa uban pang ahensya nga gihimong instrumento sa
administrasyong Aquino sa pagpanumpo sa katawhang Lumad.
Wala gikahimuot sa mga
nahisgotan ang gihimong pagbiay-biay sa kultura diin gihimo matod pang
instrumento aron mabungkag ang maayong relasyon sa tribu ug ang pugsanong
pagpasunod sa mando sa NCIP ug sa AFP.
Kusganon usab nilang
gipanghimaraut ang gihimo sa kasundalohan sa subleng pagbuhi sa Bagani diin
ilang gi-armasan hinungdan nga nagkagubot ang tribu.
Dugay na matod pang giwagtang sa
ka apo – apohan sa tribu ang Bagani sanglit dili na sila gusto pa og kagubot.
Gikondina usab sa grupo ang
kawalay respeto sa NCIP sa tradisyon sa mga lumad diin namunyag matod pa kini
og mga peke nga Datu nga gihimong kasangkapan aron ipamugos ang Certificate of
Ancestral Domain Title (CADT) alang sa kaugalingong interes.
Ang nahitabong pagpanglapas sa
militar ug sa NCIP, angay lamang matod pa manubag si Pangulong Noynoy Aquino
sanglit siya matod pa ang direktang nagmando sa mga nahisgotan.
Angay usab matod pang bungkagon
ang bisan unsang porma sa para-militar sama sa Bagani nga gitukod matod pa sa
militar nga maoy nagsabwag kagubot sa komunidad sa mga Lumad.
“Sa nagpadayon nga kalapasan sa tawhanong katungod ilabina sa katawhang
Lumad, angay lang nga panubagon si BS Aquino tungod kay anaa sa iyang kamandoan
ang AFP ug ang NCIP,” tipik sa manifesto sa 27 ka mga Datu sa Lumad.
No comments:
Post a Comment