Crime Solution Efficiency sa Butuan, Mitiurok

Ni Alex Mapoy

2014 Data from National Economic Development Authority Caraga

BUTUAN CITY – Mitiurok ang Crime Solution Efficiency (CSE) sa kapulisan sa dakbayan sa Butuan sa nakalabay’ng tuig 2014.

Gawas sa CSE, mitiurok usab ang Crime Clearance Efficiency (CCE) ning siyudad base sa datos nga gipagawas sa National Economic Development Authority (NEDA) Caraga subay sa gisumite sa Philippine National Police (PNP) Caraga nga 2014 statistics sa Peace and Security ning rehiyon.

Sa datos, tuig 2014 ang CSE sa dakbayan milansang og 33.95% kansa mas ubos og 12.58% kon itandi sa tuig 2013 nga misipa sa 46.53%.

Makita usab sa datos, ang CCE sa dakbayan sa Butuan sa 2014 miabot sa 38.07% kansang rata mas ubos og 19.55% kon itandi sa 2013 CCE nga milansang sa 57.62%.

Sa data analysis sa nasangpit nga ahensya, ang probensya sa Agusan del Norte pulos nakatala sa pinakataas nga Crime Clearance Efficiency (CCE) nga dunay 52.54% ug 44.66% alang sa Crime Solution Efficiency (CSE).

Gisundan kini sa probensya sa Dinagat Islands nga dunay Crime Clearance Efficiency (CCE) nga 50.71% ug 44.68% alang sa Crime Solution Efficiency (CSE.

“Both CCE and CSE were highest in Agusan del Norte with 52.54 percent and 44.66 percent respectively; followed closedly by the Province of Dinagat Islands with 50.71 percent of crime clearance efficiency and 44.58 percent crime solution efficiency,” tipik sa analysis sa NEDA Caraga.

Alayon niini, doble kayod ang ginsakpan sa kapulisan nga makabawi sa kasamtangang tuig pinaagi sa pagsulbad sa nagkadaiyang kremin nga nahitabo sa palibot.