ALCADEV Cottage, Gisunog; Pagpanulis Ang Motibo – AFP

Ni Alex Mapoy

SIBAGAT, AGUSAN DEL SUR – Tulis ang nakitang motibo sa nahitabong pagpangsunog sa armadong kalalakin-an ngadto sa cottage sa Alternative Learning Center for Agricultural and Livelihood Development (ALCADEV) nga nahimutang sa KM 30, Sitio Bolonbon, Brgy. Padiay, Sibagat Agusan del Sur adtong Nobembre 12 sa ka adlawon.

Gikabutyag ni Civil Military Operation Officer 1Lt. Edgar Lemuel L. Adajar, Jr. sa 23^rd Infantry (Masigasig) Battalion, Philippine Army, gisunog sa mga responsable ang maong cottage aron itago ang tinuod nga panghitabo.

“The burning incident in ALCADEV area was connected to robbery; perpetrators used it to conceal the crime,” pahayag ni Adajar.

Sa bersyon usab ni PO2 Bagtong sa Sibagat Municipal Police Station, tulis ang nag-unang motibo sa mga responsable human napalgan sa mga residente ang duha ka sakong bugas ug mga de lata, mga 200 metros ang gilay-on gikan sa maong pasilidad nga gisunog.

“Initial investigation of the burning incident was connected to robbery, proven, two (2) sacks of rice and assorted goods was found by the residents at about 200 meters from the learning facility after the incident happened and therefore concluded that the perpetrators used the burning of the cottage to conceal the robbery,” bersyon ni Bagtong sa habig sa kapulisan.

Sa kabahinan usab ni Fire Officer 1 Campos sa Bureau of Fire Protection (BFP) Sibagat, gama lamang sa kahoy ang maong cottage hinungdan nga kini naugdaw sa kalayo ug dunay damyos nga P50,000.

“Structure was made of light wooden materials with estimated floor area of 30 square meters and was totally gutted down by fire. An estimated overall damage was estimated amounting to Php 50,000.00. “pahayag ni Campos.

Gituohan usab sa mga residente, segon ni Adajar nga dili militar ang responsable sa maong insidente ug ang maong hitabo tinuyo sa wala ilhing grupo.

Unom matod pa ka mga lalaki ang nihimo sa kremin kinsang mga panagway ang lisod maila tungod sa kangitngit sa palibot.

Hisayran nga adtong Nobembre 14, duha ka adlaw gikan sa hitabo, gidalikyatan sa Fact Finding Team nga gilangkoban sa AFP, PNP, BFP ug LGU Sibagat sa pagpanguna ni Lt. Adajar ang fire scene aron imbestigahan ang hitabo.