Gobernadora Pabor sa Mina

Ni Alex Mapoy

Agusan del Norte Gov. Ma. Angelica Rosedell Amante - Matba nipahayag nga dili siya anti-mining. Photo by Alex Mapoy

AGUSAN DEL NORTE – Dili supak ang probensyal nga kagamhanan sa Agusan del Norte nga minahon sa mga imbestor ang rekursos naturales sa probensya.

Sa pag-atubang ni Agusan del Norte Gov. Ma. Angelica Rosedell M. Amante – Matba sa mga tigbalita, giklaro niini nga dili siya “anti-mining.”

Sumala ni Gov. Matba, abunda sa rekursos naturales ang probensya ug kini matod pa ang maghatag kahigayonan sa katawhan nga makatrabaho ug makapa-eskwela sa mga anak.

Dugang ni Gov. Matba, kini ang hinungdan kon nganong kanunay siyang bukas niini nga kahigayonan.

Subay niini, gidasig sa gobernadora ang tanang ahensya sa kagamhanan nga magtinabangay aron ang estriktong mapatuman ang responsableng pagmina.

Gi-angkon sa inahan sa probensya nga ang katawhan dunay tagsa-tagsa ka biases sa “mining,” apan, mas bentaha pa ang mga “legitimate mining companies” kon itandi sa mga illegal mining groups sanglit lisod kini i-monitor sa hingtungdang ahensya sa kagamhanan.

Pamugos usab sa nahisgutan, ang mga legitimate mining companies sa nasod naningkamot nga masunod ang gipatumang patakaran sa panggamhanan aron maseguro nga matuman ang responsableng pagmina.

“We want to open ourselves to opportunities. This is the number one opportunity that our province can offer. We have multiple strengths. This is one of our strengths. This is an opportunity to our people to be able to work and send their children to school. I will always be opened to this. I am not anti-mining. I would even say, government agencies must work together to make it responsible. It is up to the people who really have different biases regarding it. Mao nay tinuod. In fact, legitimate mining companies are even better than illegitimate mining which is our eye opener. Kay kon illegitimate sila, wala silay papeles, how are they constantly monitored? Samantala, legitimate companies where operating equal means, when strictly have to follow the rules in our country and the mining industry,” pagpasabot ni Gov. Matba.

Subleng gi-angkon sa gobernadora, ang pagpasulod og imbestor sa probensya aron magmina ang dali o dili sayon sanglit daghang aspeto ang tan-awon aron mahimo kining balanse ug dili mapihig ang interes sa katawhan ug pabiling mapanalipdan ang kinaiyahan.

“It is always a balance to be exercised within the interest of our constituents and that, in protecting our environment. It’s really a heavy situation. And, it is not easy at all specially po, kon masudlan na siya’g pulitika gyud,” dugang pagklaro sa gobernadora.