Saktong Sweldo Ihatag

Ni Alex Mapoy 

NLRC Caraga Administrative Officer V Robert M. Aying. Photo

by Alex Mapoy

BUTUAN CITY – Gipahimangnoan sa National Labor Relations Commission (NLRC) Caraga ang tanang employer nga ihatag ang saktong suholan ngadto sa empleyado sa panahon nga tingsweldo.

Wala nalilong sa rehiyonal nga buhatan nga dunay pipila ka mga kompanya ang wala naghatag sa tibuok sweldo nga angay unta dawaton sa empleyado nianang higayona.

Subay niini, ang buhatan padayong naghulat og pormal nga reklamo aron ang trabahante  nga nahikawan sa batakan niining katungod, mahatagan og hustisya.

Sumala ni NLRC Caraga Administrative V Robert M. Aying, kinahanglang ihatag sa employer ang sweldo direkta sa empleyado ug dili mahimong ihatag ngadto sa ni bisan kinsang indibidwal.

Ang sweldo, dugang ni Aying, nga dawaton sa empleyado kinahanglan nga kini “cash” ug kon subra sa 25 ka buok ang empleyado sa isa ka kompanya, mahimong makubra ang sweldo sa bangko nga dili mo subra isa ka kilometro ang gilay-on sa ingon dili na kini mahasol pa.

Sweldohan ang empleyado, dili mo ubos sa matag duha ka semana nga pagtrabaho o duha ka hugna sulod nianang bulana ug ang “interval” dili mo lagpas sa 16 ka adlaw.

“Wages shall be paid in cash, legal tender at or near the place of work.”

“Payment may be made through a bank upon written petition of majority of the workers in establishments with 25 or more employees and within one kilometer radius to a bank.”

“Payment shall be made directly to the employees.”

“Wages shall be given not less than once every two weeks or twice within a month at intervals not exceeding 16 days.”

Kasagaran sa mga kompanya, nabatasan nga magsweldo matag petsa 15 ug 30 sa bulan o matag petsa 5 ug 20 sa bulan kansang sistema, na subay pa gihapon sa gikantar sa balaud pamuo.