Kalahi Girekognisa sa Gobernador

Ni Alex Mapoy

Surigao del Sur Governor Johnny T. Pimentel gave testimony on Kapit-Bisig Laban sa Kahirapan- Comprehensive and Integrated Delivery of Social Services of Department of Social Welfare and Development (DSWD) on how this program contributes in decreasing the poverty incidence of his province.

BUTUAN CITY – Girekognisa sa probensyal nga kagamhanan sa Surigao del Sur ang tabang nahatag sa Kapit-Bisig Laban sa Kahirapan- Comprehensive and Integrated Delivery of Social Services (Kalahi-CIDSS) program sa probensya.

Sumala ni Surigao del Sur Governor Johnny T. Pimentel, nakatabang ang Kalahi-CIDSS nga matanggal sa “Club 20 Poorest Provinces of the Philippines” ang probensya nga gi-alagaran.

Dugang ni Gov. Pimentel, usa sa mga hinungdan nganong ni-ubos ang insidente sa kapobrehon sa probensya – ang Community-Driven Development (CDD) projects sa Kalahi-CIDSS nga gipatuman sa Department of Social Welfare and Development (DSWD) Caraga.

Tuig 2011, ang probensya sa Surigao del Sur natanggal sa listahan sa Club 20 Poorest Provinces of the Philippines.

Sa impormasyon ni DSWD Caraga Kalahi-CIDSS Regional Information Officer Eunice Montaos, sulod sa pipila ka mga katuigan, naningkamot ang probensyal nga kagamhanan nga mawala kini sa nasangpit nga listahan pinaagi sa pagpakusog sa kampanya nga mapaubsan ang insidente sa kapobrehon.

Mismo ang National Economic and Development Authority (NEDA) nikomperma nga niubos ang insidente sa kapobrehon sa probensya.

Nakita sa NEDA nga dako ang natabang sa hiniusang paningkamot sa lokal nga kagamhanan hinungdan nga nawala kini sa maong listahan.

Asoy pa sa gobernador, andam ang iyang kadumalahan nga hangpon ang CDD approach labi na sa natad sa “local planning and budgeting” ug mo hatag “local counterpart contribution” sa higayon nga gikinahanglan kini sa barangay o kaha sa lungsod nga sakop sa probensya.

Ilawom sa iyang liderato, gidasig sa opisyal ang tanang Local Chief Executives (LCEs) nga suportahan ang nasangpit nga programa nga gipatuman sa nasudnong kagamhanan.