Urgent Hiring Gibuksan

Ni Alex Mapoy

BUTUAN CITY – Kwatro sentos dos (402) ka mga field workers ang kasamtangang gikinahanglan sa Department of Social Welfare and Development (DSWD) Caraga.

Alayon kini sa nagpadayon nga 2^nd Round Family Assessment sa Listahan Project sa nasangpit nga ahensya alang sa Urban Areas.

Ang mga posisyon nga mahimong ka aplayan mao ang Area Coordinator, Area Supervisor, ug Enumerators.

Mo lungtad lamang sa tulo ka bulan ang gidugayon sa trabaho sa Area Coordinator, duha ka bulan sa Area Supervisor, ug isa ka bulan sa Enumerator.

Sayon lamang nga mga kwalipikasyon ang gipangita sa kadumalahan ni DSWD Caraga Regional Director Minda Brigoli diin ang pinakaubos nga educational attainment sa usa ka aplikante ang anaa lamang sa second year college alang sa Enumerator nga position samtang ang Area Coordinator ug Area Supervisor kinahanglan nga gradwado kini sa kolehiyo.

Sa mga interesado, mahimo lamang mo sumite sa Transcript of Records (TOR), Resume o Bio-Data, ug Application Letter ngadto sa buhatan sa Human Resource Development Unit (HRDU) sa rehiyonal nga buhatan o kaha i-send agi sa email ang caraga.nhtspr@gmail.com o kaha mahimong mo tawag sa telepono numero 342-5619 local 203.

Gihimo kini sa rehiyonal nga buhatan aron maseguro nga mahuman ang pagpahigayon og assessment sa tanang namuyo ning rehiyon sa Caraga.

Dumduman nga gisugdan ang assessment sa nakalabay’ng bulan ning tuiga ug lauman nga sa mo sunod nga mga bulan, mahibaw-an na kon kinsa nga pamilya ang angayan nga mahimong benepisyaryo sa Pantawid Pamilyang Pilipino Program (4Ps) ning rehiyon.