Water Project Gisusi

Ni Alex Mapoy

General Manager Anselmo L. Sang Tian personal nga nagpahigayon og ocular inspection sa Butuan City Bulk Water Supply Project. Courtesy of BCWD

BUTUAN CITY – Naneguro ang Butuan City Water District (BCWD) nga adiser mahuman ang kasamtangang tuig, matilawan na sa mga Butuanong konsumidor ang tubig gikan sa Butuan City Bulk Water Supply Project sa Sitio Iyao, Barangay Anticala ning siyudad adiser mahuman ang kasamtangang tuig.

Una nang gipasalig sa kadagkoang opisyal sa Taguibo Aquatech Solutions Corporation (TASC) nga karong Disyembre 2015, mao na ang full blast operation diin ang katawhang Butuanon ang makatilaw na sa tubig gikan sa maong proyekto.

Subay niini, ang tanang Board of Directors sa Butuan City Water District (BCWD) kuyog sila General Manager Anselmo L. Sang Tian ug AGM Jorge L. Guduyo, nagpahigayon og ocular inspection sa nahisgutang proyekto adtong Martes sa buntag.

Sumala ni BCWD Senior Public Relations Officer Ramil S. Barquin, katuyoan sa grupo nga masusi ang katikaran sa maong proyekto.

“The Butuan City Water District (BCWD) Board of Directors together with GM Anselmo L. Sang Tian and AGM Jorge L. Guduyo conducted an ocular inspection of the Butuan City Bulk Water Supply Project this morning, June 9, 2015, at Sitio Iyao, Barangay Anticala. The said inspection took place to appraise the progress of the Butuan City Bulk Water Supply Project,” mensahe ni Barquin.

Gawas niana, nagpahigayon usab ang mga personahe sa water district og pagsukod sa lebel sa tubig sa Taguibo River aron mahibaw-an kon nadugangan ba ang volume sa tubig sa nasangpit sa suba.

Hisayran ang watershed na apektohan sa nasinatiang weak El Niño sa probensya diin niubos ang lebel sa tubig.

“Aside from that, BCWD personnel also measured the stream flow of the Taguibo River to be able to gauge if there is an improvement in the water quantity of the Taguibo River which was affected by the weak El Niño,” dugang mensahe sa opisyal.