2 Munisipyo Pabiling Hot Spots sa Illegal Logging - DENR

Ni Alex Mapoy

DENR Caraga Regional Director Nonito Tamayo

BUTUAN CITY – Giklaro sa Department of Environment and Natural Resources (DENR) Caraga nga wala nagpasagad ang duha ka mga local government units (LGUs) sa Agusan del Sur human nagpabiling hot spots sa illegal logging activities.

Basi sa kompermasyon ni DENR Caraga Regional Director Nonito Tamayo, ang lungsod sa Loreto ug San Luis pulos sakop sa probensya sa Agusan del Sur mao na lamay nagpabilin nga hot spots sa maong iligal nga kalihokan.

Sumala ni RED Tamayo, very helpful matod pa ang nahisgotang mga LGUs pagsumpo sa illegal logging activities.

Dugang ni RED Tamayo, dili lang pagsumpo sa maong iligal nga kalihokan kondi lakip na sa mga programa sa ahensya.

“Hindi naman. In fact si Mayor Otaza, very very helpful sa amin, di lang sa illegal logging kondi pati naman sa ibang programa,” pagtin-aw ni RED Tamayo.

Dumduman nga atubangan sa tanang partisipante sa Interfaith Dialogue on Climate Change nga gipahigayon sa Dotties Place Hotel ning siyudad, gipasigarbo niini nga ni-ubos ang ihap sa mga lungsod nga makonsiderang hot spots sa illegal logging.

Sa datos, gikan sa 30 ka mga lungsod, nahimo na lamang kining duha ug kini mao ang mga lungsod sa Loreto ug San Luis.

Nakab-ot matod pa ang maong kadaugan subay sa gipakusgan nga pagpatuman sa Executive Order No. 23 ni Pangulong Noynoy Aquino nga mas naila, Moratorium on the Cutting and Harvesting of Timber in the Natural and Residual Forests and Creating the Anti-Illegal Logging Task Force. 

Subay sa paghingusog sa kampanya batok illegal logging, gikan sa kanhi 5,000,000 board feet nga nakompiskang mga kahoy, nitiurok kini ngadto sa 500,000 board feet dungan sa panghinaut sa opisyal nga adiser mahuman ang kasamtangang tuig, hingpit nang masumpo ang maong matang sa kalihokan.