DA Dunay Iskolar

Ni Alex Mapoy

DA Caraga Regional Director Edna M. Mabeza

BUTUAN CITY – Pipila ka anak sa mga mag-uuma ang scholar sa Department of Agriculture (DA) Caraga ilawom sa Accelerated Comprehensive and Agricultural Competitiveness Enhancement Program.

Sumala ni DA Caraga Regional Director Edna Mabeza, nahimong iskolar sa ahensya mao kadtong mga bata nga dunay kasibot nga mo padayon pagtungha sa kolehiyo.

Dugang ni Mabeza, kasagaran nagtungha ang ilang iskolar sa Caraga State University (CSU), Agusan del Sur State College of Agriculture and Technology (ASCAT), ug daghan pang uban.

Gitin-aw sa direktor, ang mga iskolar na sulod sa programa sa Accelerated Comprehensive and Agricultural Competitiveness Enhancement Program ug wala kini na apil sa Philippine Rural Development Project (PRDP) nga gipatuman sa ahensya.

“The Department of Agriculture has scholarship program kanang sa atong Accelerated Comprehensive and Agricultural Competitiveness Enhancement Program (ACACEP). So, duna tay mga iskolar sa CSU, ASCAT, ug uban pa. It is the ACACEP ang in-charge sa scholarship ug wala siya na apil sa PRDP,” pagkomperma ni Mabeza.

Subay niini, mapasalamaton usab ang opisyal sa mga iskolar sa kasibot nga magpadayon sa pagtungha sa kolehiyo.