BDH Staff Gikasohan

Ni Alex Mapoy

Remedios Chan at City Prosecutors Office filing criminal case against some personnel of the Butuan Doctors Hospital for violation to RA 8344. Photo courtesy of Louie Oranda

BUTUAN CITY – Pormal nang naduso ngadto sa Butuan City Prosecutor’s Office ang kasong kriminal nga gipasaka sa pamilyang Chan batok na sa pipila ka personahe sa Butuan Doctor’s Hospital.

Gikiha ni Tutz Salarda-Chan ang tag-iya, presidente, staff, officer, medical practitioner.

Pipila ka pangalan nga gitumbok ni Chan sila Admission Staff Jackie Lincuna, Nurse/Supervisor Marianita Gorme kinsa maoy duty adtong higayona, ug Dr. Mae Oco kinsa maoy doctor adtong higayona nga angay mo atiman sa anak niining si Yanna.

Gihingusgan ni Chan nga nakalapas ang mga nahisgotan sa Section 1 ug angayan nga silotan subay sa nakalatid sa Section 4 sa Akta Republika No. 8344 o mas naila nga “An Act Penalizing The Refusal Of Hospitals And Medical Clinics To Administer Appropriate Initial Medical Treatment And Support In Emergency or Serious Cases, Amending For The Purpose Basta Pambansa Bilang 702, o mas naila nga "An Act Prohibiting The Demand Of Deposits Or Advance Payments For The Confinement Or Treatment Of Patients In Hospitals And Medical Clinics In Certain Cases."

Gihagit pa ang mga nahisgotan nga pa aboton sila sa korte dungan sa panganti nga dili sila mo hunong hangtod dili makab-ot ang hustisya alang sa namatay niining anak human matod pa gibalibaran.

“See you in court! We won't Stop until YANNA'S JUSTICE is being served!”

Dumduman nga adtong Hulyo 15, 2014, tungod sa kakulang sa pasilidad sa San Francisco Doctors Hospital (SFDH), gidala ang pasyente nga si Yanna diha sa BDH. Bisan gitabangan ug gi-ubanan pa sa duha ka mga nurses sa SFDH ang pasyente bitbit ang kompletong medical certificate ingon man referral, gibalibaran kini sa BDH sanglit ang dalang salapi niadtong tungora ni Remedios S. Chan anaa lamang sa P8,000 hangtod P10,000. Gipangayuan sila sa admission staff og P30,000, taliwa sa gihimong pagpakiluoy ug paghangyo sa pamilya, wala gidawat ang nasangpit nga pasyente. Sa hitabo, nakahukom ang pamilya nga dalhon si Yanna ngadto sa laing ospital. Subo palandungon, adiser nahidangat sa usa sa mga tambalanan sa dakbayan sa  Davao ang maong pasyente, nahunusan na sa hinulamang kinabuhi gumikan sa matod pa “congestive heart failure.”