Sundalo Gipikhan, 4 Patay

Ni Alex Mapoy

RTR, Agusan del Norte – Upat ka mga sundalo ang patay sa gihimong pagpang-harrass sa Pulang Manggugubat ilawom sa Bagong Hukbong Bayan (BHB) Front 21 sa Brgy. Tagbongabong lungsod sa RTR sakop sa probensya sa Agusan del Norte adtong Lunes, Agosto 24 sa kasamtangang tuig.

Sa sulat nga gipaabot sa National Democratic Front – North Eastern Mindanao Region pinaagi sa tigpamaba niining si Ka Maria Malaya, napatyan ang tropa sa 29^th Infantry Battalion, Philippine Army dihang gisulong ang gituohang kota sa BHB.

Bunga sa hitabo, gi-isnayp sa Pulahang Manggugubat ang tropa sa kagamhanan nga nagresulta sa kamatayon sa duha ka sundalo.

Nadugangan og duha ang ihap sa mga sundawo nga namatay adtong adlawa dihang gipikhan sa mga sniper sa rebeldeng grupo ang samang grupo sa militar atol sa gihimong operisyon sa Sitio Kaunlaran, Brgy. Tagbongabong sa nasangpit nga lungsod.

Nasundan pa ang maong pagpang-isnayp sa rebeldeng grupo batok sa kasundalohan, apan wala napatyan ang militar sa ikatulo nga hugna.

Sa pagkutlo niini nga balita, wala panganli ni Ka Malaya kon kinsa kadtong gikaingong upat ka mga sundawo nga nakalas niadtong adlawa.

Gitin-aw usab sa nahisgotan nga sa tulo ka hugna nga pagpang-isnayp, wala napatyan ang walhong grupo.