Kasong multiple
murder, robbery, grave threat and coercion ang gisang-at nga kaso batok sa tulo
ka mga sakop sa grupo nila Marcos Bocales, Marcial Belandrez, Kalpet Egua, ug
laing 20 ka mga kaubanan kinsang mga pangalan ang padayon pang giila sa
awtoridad.
Sumala ni Karapatan
Caraga Secretary General Eliza Pangilinan, naghiusa ang komunidad, Human Rights
Organizations, ug ubang sektor paghimo og lakang legal aron ang mga kriminal
madakop sa labing dali nga panahon sa ingon makapauling luwas ang mga bakwit
ngadto sa tagsa-tagsa niini ka mga pinuy-anan.
Alayon niini,
gi-awhag ni Pangilinan ang awtoridad paghimo sa ilang kabahinan sa ingon ang
mahunong ang dautang buhat sa armadong grupo.
“Cases of multiple murder, robbery, grave threat and coercion were
filed against named members of the armed paramilitary group led by Marcos
Bocales, Marcial Belandrez and Kalpet Egua. 20 other John Does were included in
the complaint,” pagkomperma ni Pangilinan.
Gitin-aw ni
Pangilinan, ang mga reklamante nga gikan sa nagkadaiyang komunidad ang lakip sa
mga bakwit sa Surigao del Sur Sports Complex sa dakbayan sa Tandag kinsa hugot
nga naghingusog nga kinahanglan nang iduso ang nahisgutang mga kaso aron ang
mga sad-an masilotan ug mahatagan sa tino nga hustisya ang mga biktima nga sila
ALCADEV Executive Director Emerito Samarca, MAPASU Chairman Dionel Campos, ug
Aurelio Sinzo.
Ang maong legal nga
lakang, boluntaryong gi-abagan sa Integrated Bar of the Philippines (IBP) sa
pagpanguna ni Surigao del Sur Chapter President Atty. Kutz Melvin Montenegro,
Union of People's Lawyers in Mindanao (UPLM) members Atty. Antonio Azarcon ug
Atty. Gerardo Maglinte hinungdan nga naduso ang maong mga kaso, isa ka semana
human sa hitabo.
Subay niini,
nanghinaut ang nahibilin nga mga kabanay sa mga biktima nga makab-ot ang
hustisya sa labing dali nga panahon.
No comments:
Post a Comment