Cabadbaranon sa Team Mortola, OK

Ni Alex Mapoy

Katrina Marie “Kat” Ortiz Mortola nakiglamano sa mga Cabadbaranon

CABADBARAN CITY – Liboan ka mga supporters sa Nacionalista Party – Partido Kusog Agusanon Coalition ni Katrina Marie “Kat” Ortiz Mortola ug kaubanan ang nikuyog samtang ang uban ni-atang sa pormal nga pagduso sa Certificate of Candidacy (COC) ngadto sa Commission on Election (Comelec) Cabadbaran.

Ni-uban usab si Agusan del Norte Congressman Erlpe John Amante aron ipakita ang sento porsyento niining suporta.

Ang nahisgotang mga supporters na gikan sa 31 ka mga barangay nga sakop sa nasangpit nga siyudad.

Sa opisyal nga line-up ug base usab sa giduso nilang COCs, magpapili pagka-mayor sa dakbayan sa Cabadbaran si Katrina Marie “Kat” Ortiz Mortola; pagka-bise mayor Robert N. Cong; pagka-konsehal sila Jerich Barrientos Cuasito, Leo Montilla Jongko, Cristiano Ligao Danila, Lito Boligol Bulasa, Philip Diamonon Ramirez, Sonita Jamodiong Beray, Rico Cagas Cuenco, Pazfegurita Pujida Mondejar – Ojeda, Arvin Piezas Balinos, ug Andres M. Ceniza.

Gikabutyag ni Mortola atubangan sa mga media practitioners ug gatosan nga mga supporters, pipila sa iyang prayuridad kon siya ang mahimong mayor sa siyudad sa Cabadbaran mao ang pagtukod og City Hospital, patas-an ang ayudang pinansyal, paubsan ang buwis nga pagabayran sa mga Persons with Disabilities (PWDs), subleng i-rebyu ang Investment Code sa siyudad aron makadani og daghang imbestor, ug daghan pang uban.

Saad sa opisyal, ilawom sa iyang liderato kon siya mo daug isip mayor sa dakbayan, mahimo kining malamboon.