Info Drive Batok Pagkawala sa mga Langgam Gipakusgan

Ni Alex Mapoy

DENR Caraga Communication and Development Office Supervisor Eric Gallego

BISLIG CITY – Tinguha sa Department of Environment and Natural Resources (DENR) Caraga nga dili mawala sa hingpit ang mga langgam nga talagsa na lang makita hinungdan nga gipalapdan ang information drive sa ahensya didto sa dakbayan sa Bislig.

Sumala ni DENR Caraga Communication and Development Office Supervisor Eric Gallego, wala nahimutang nga maghunahuna si DENR Caraga Regional Director Nonito M. Tamayo dihang nadawat ang balita nga inanay nang nawala ang mga langgam nga namuyo sa kalasangan sa dakbayan sa Bislig.

Basi sa obserbasyon, nagkadaghan ang namuyo sa maong lugar kinsa padayon nga namutol ug nisunog sa lasang hinungdan nga inanay nga nanghawa ang mga langgam sa lasang.

“DENR 13 Regional Director Nonito M. Tamayo was bothered by the findings of the environment enthusiasts and birders that several rare birds that can be found in the once lush forest in Bislig, Surigao del Sur have banished . Based on observation of the birders who visited the area , they found several settlers who have moved in resorted to slash and burn , destroying the forest cover to set up farms leading to birds losing their natural habitats,” pahayag ni Gallego.

Dugang ni Gallego, nadismaya matod pa si Dir. Tamayo sanglit ang mga langgam sa lasang ang inanay nga nahanaw diin dili na kini makita pa sa umaabot nga henerasyon.

Subay niini, nanawagan ang opisyal sa tanang namuyo sa maong dapit nga undangon ang maong kalihokan aron dili mawala sa hingpit ang mga langgam nga inanay nang nahanaw tungod sa binuhatan sa mga tawo.