 |
| Governor Ma. Angelica Rosedell Amante – Matba ubos sa partidong Liberal |
AGUSAN DEL NORTE – Gikaminusan sa
partidong Liberal kansang partido nga gipasilongan ni Governor Ma. Angelica
Rosedell Amante – Matba ang pasiatab sa Nacionalista Party – Partido Kusog
Agusanon Coalition ni Cong. Erlpe John “Ping” Amante nga mangdaug ang tanan
niining kandidato sa umaabot nga eleksyon ug pildihon ang tanang kandidato sa
Liberal.
Gikabutyag
ni Gov. Matba, atubangan sa tanan niining mga supporters, kampante siya nga
mabuntog o mapilde ang tanang kandidato sa kaatbang labi na nga ang
gipakigbisogan sa iyang grupo mao ang disente nga panirbisyo ug pagpahari sa
moralidad sa probensya.
Pruweba
usab ni Gov. Matba nganong mangdaug ang ilang grupo mao ang wala paglansad sa
iyang maguwang nga si Cong. Amante sa pagka-gobernador isip iyang kaatbang.
Gawas
niana, anaa ang suporta sa tulo ka mga incumbent mayor nga sila Cabadbaran City
Mayor Dale Corvera, Buenavista Mayor Norbert B. Pagaspas, Santiago Mayor
Zenaida C. Lim, ug Las Nieves Mayor Rosales.
Ilawom sa
partidong Liberal sa Agusan del Norte, magpapili Pagka-Kongresista si Dale B.
Corvera; Pagka-Gobernador Ma. Angelica Rosedell M. Amante – Matba;
Pagka-Bise-Gobernador Ramon AG. Bungabong; Pagka-Board Member sila Elizabeth
Marie R. Calo; Antidio B. Amora; Rodulfo A. Pitogo; Aquino W. Gambe; Ryan Jade
D. Lim; Francisco Y. Chan; Erwin Dano; ug samtang sa unang distrito si Virgilio
R. Escasinas, Jr.
No comments:
Post a Comment