IFFM Mag-imbestiga sa Lumad Killings

Ni Alex Mapoy

Hustisya sa kamatayon sa mga biktima sa Bagani Forces, pabiling hanap. Pasalig sa awtoridad nga panakpon ang mga kriminal, pulos lamang estorya, apan walay nakitang resulta

SURIGAO DEL SUR – Lima ka adlaw nga mag-imbestiga ang International Fact Finding Mission (IFFM) kabahin sa lumad killings sa probensya sa Surigao del Sur karong Oktobre 26 – 30, 2015.

Tinguha sa grupo nga masusi, mapakusgan, ug mahatagan og konkretong aksyon ang panawagan sa nahibiling mga kabanay sa gipangpatay ingon man sa mga lumad nga namakwit tungod sa binuhatan sa Bagani Forces.

Pangunahan ang maong imbestigasyon sa Friends of the Lumad in Caraga (Pagkabugkot tu Lumad) diin ang nagsilbing convenor si Bishop Modesto Villasanta, UCCP.

Nasayran nga gusto nang mamauli ang mga bakwit, apan gumikan sa kabalaka nga hurawon sa mga naghuramentadong membro sa Bagani Force, nagpabilin kini sa evacuation center.

Gusto sa mga nahisgotan nga adiser sila mamalik sa tagsa-tagsa ka mga lugar, madakpan ang mga kriminal nga walay kaluoy nga nipatay nila Alternative Learning Center for Agricultural and Livelihood Development (ALCADEV) Director Emerito “Sir Tatay Emok” Samarca, Malahutayong Pakigbisog Alang sa Sumusunod (MAPASU) Chairman Dionel “Onel” Campos” ug Kiwagan Datu ug MAPASU member Datu Juvello “Bello” Sinzo.

Ang IFFM, usa ka alyansa sa mga grupo sama sa tawong simbahan, professionals, Tambuli tu Kalinow, Paneytow tu Kahusoy (Call for Peace, Search for Justice) ug Bugduka tu Anyadan (Save Our Schools Caraga).