 |
Photo courtesy of EFG of DENR
Caraga
|
BUTUAN CITY – Halos singkwenta mil
na ka mga armchairs ang na apud-apod sa Department of Environment and Natural
Resources (DENR) Caraga ngadto sa nagkadaiyang pampublikong tunghaan ning
rehiyon.
Sa
datos, mokabat sa 48,366 ka mga armchairs ang natunol sa ahensya sukad gisugdan
ang P-Noy Bayanihan Project ni Pangulong Noynoy Aquino sa tuig 2011.
Gikabutyag
ni DENR Caraga Communication and Development Office Supervisor Eric Gallego, mismo
si newly-installed chief sa Enforcement Division, DENR 13 Technical Services
Modesto Lagumbay ang nikomperma nga ang maong gidaghanon sa mga armchairs
katumbas kini sa 712,526.85 board feet nga mga kahoy nga nakompiska sa ahensya
gikan sa mga illegal loggers.
Nilampos
ang ahensya pagtunol sa maong gidaghanon sa mga armchairs tungod sa tabang sa Department
of Education (DepED), TESDA, ug PAGCOR.
Una nang
nasabotan sa upat ka mga ahensya nga magtinabangay paghimo og armchairs diin
ang pagagamiton nga materyales mao kadtong mga nakompiska nga illegal nga kahoy
sa DENR.
Ang
Pagcor usab maoy natahasan nga maghatag sa gikinahanglang ekipos ug apparatus;
ang TESDA maoy mag-provide sa manpower ug working shops samtang ang DepEd maoy
mo dawat sa finished products.
Alayon
niini, gipaneguro ni DENR Caraga Regional Director Nonito M. Tamayo nga
ipadayon ang pagpanghatag sa ahensya sa de kalidad nga mga armchairs aron dunay
klaro ug komportableng kalingkoran ang mga magtutungha ning rehiyon.
No comments:
Post a Comment