Liga President, Gustong Ilogan?

Ni Alex Mapoy

Butuan City ABC President Nestor Amora

BUTUAN CITY – Mapangahason nga gi-alegahan ni Butuan City ABC President Nestor Amora si Doongan Barangay Captain Bert Enriquez nga interesado sa iyang puwesto hinungdan nga gusto siyang ilisan.

Sumala ni Amora, dunay ambisyon si Enriquez sa maong puwesto hinungdan nga gusto siyang papahawaon sa posisyon.

Dugang ni Amora, tungod sa subrang pangambisyon, bisan unsa na lang nga programa sa Liga ang gisaway aron madaut ang iyang liderato.

Isa sa gikwestyon matod pa sa opisyal ni Enriquez ang kabahin sa Colegio de Liga.

Pamugos ni Amora, dili siya basta-basta nga mapa-resign ni Enriquez sanglit Disyembre 2016 pa mahuman ang iyang termino.

Nakapait pa gyud matod pa, kon mahinayon ang laraw sa goberno nga palawigon ang termino sa mga barangay officials hangtod Disyembre 2018.

Tambag sa opisyal ngadto ni Enriquez, hulaton na lamang kon kanus-a mahuman ang iyang termino sanglit dili siya mahimong pulihan sa puwesto.

“Because of politics? This is still a right of the people to do such a thing or are they insane of that driven by their ambition to become a Liga President. Because Bert Enriquez is having that ambition to replace me. But, he cannot do that they cannot do that. They have to undergo a process. They have to wait until 2016. Ang problema pa gyud nila, kon ma-extend pa gyud ang among term. They have to contend me as their Liga President until 2018, December of 2018,” akusasyon ni Amora.

Kahibaluan nga adtong Oktobre 7, 2015, nagkahiusa ang 51 ka mga kapitan sa dakbayan sa Butuan nga ipanawagan ang boluntaryong pagkanaug ni Amora sa puwesto sanglit nawad-an na sila og pagsalig niini.