Pagpalagpot sa ABC President, DILG Angay Mo Tubag

Ni Alex Mapoy

NAGLIKAY. Naglikay dungan sa pagklaro ni ABC President Nestor Amora nga ang DILG maoy mo tubag sa lakang gihimo sa kaubanang kapitan nga magpalagpot kaniya aron walay bias. 

BUTUAN CITY – Nagdumili si ABC President Nestor Amora paghatag komento kabahin sa nakab-ot nga desisyon sa mayoryang kaubanang kapitan ning dakbayan sa Butuan nga palagputon kini sa puwesto.

Hisayran nga nag-apruba ang 51 ka mga barangay kapitan sa dakbayan aron palagputon si ABC President Amora human nawad-an sila og pagsalig; na insulto sila nga gihinganlan matod pa sila sa nauwahi nga mga kapitan, dili mo tambong sa meeting kun walay pitik; wala nadayon ang gisaad nga trip to Singapore; ug wala sila na atiman sa gitambongang seminar sa dakbayan sa Iloilo.

Sumala ni ABC President Amora, mas maayo matod pa nga aron walay bias, si City DILG Director Romeo Solis maoy mo hatag komento bahin sa aksyong gihimo sa kaubanang kapitan nga palagputon siya sa puwesto.

Gi-kwestyon pa ni Amora ang legalidad sa mga kaubanang kapitan nga nagtinguha pagpalagpot kaniya isip ABC President.

“Believing that they have that majority, and then they wanted to oust me, as Liga President, they did that by their own.  So, the question is, do they have that kind of authority? Or are they vested that authority of that particular activity that they had this morning. So, dili nako puwede nga akoy mo tubag niana kay would be biased. Ang pinaka-gwapo diha, ang inyong interbyuhon si City DILG Director Romeo Solis,” pahayag ni Amora.

Saysay ni Amora, adiser matod pa nag-meeting ang mga kapitan, nikonsulta ang maong grupo sa City DILG, apan pulos sila matod pa gi-warningan sa paghimo sa ingon kay wala kini authority paghimo niini.

Gitambagan pa ang news team sa Mindanao Centro Daily nga ipa-interbyu ang DILG kabahin sa maong isyu dungan sa pahimangno nga kon unsay itubag sa taga – DILG, isulat ipatik gyud kini dinhe sa mantalaan.

“Besides, they consulted with the DILG. Didto sila sa opisina. They were warned. Gi-warningan sila nga you cannot have a legal meeting because you are not authorized to do so. You can only introduce during a regular meeting to impose something in a legal meeting. Anyway, that a normal effort. Let the DILG answers that matter kay mahimo mang bias kun akoy mo tubag. Definitely, makahatag tubag ang DILG anything. Pangutan-a na lang pod ang DILG, would I be granted to file actions against them in a proper body. An then, isulat ninyo gyud na. do not conceal the truth.  Kun unsay i-pronounce sa DILG, isulat gyud na para mahibalo sila sa ilang gibuhat,” saysay sa opisyal.

Pamugos sa opisyal, bisan mayorya sa kaubanang kapitan ang magpalagpot kaniya isip presidente sa Liga, dili kini puwede nga imo lamang palagputon dungan sa pagtin-aw nga angayang hulaton sa mga kauban kun kanus-a mahuman ang termino niini.

Si Kapitan Amora, mahuman sa iyang termino isip ABC President karon pang Disyembre 1, 2016.

Mensahe sa opisyal, ang gihimo sa kaubanang kapitan nagpakita lamang sa pagka-ignorante, kulang sa research sanglit ang ilang gihimo walay legal nga basehan.

“Because at the Liga, it doesn’t mean to say nga you have that majority, puwede na nimong patalbugon ang mga officers. You have to wait until the term it expires. So, when will be my expiration of terms?  That could be on December 1, 2016 as Liga President. So, they have to wait of that. Because they could not just remove me without the expiration of my term. Pero, kulang sa research. Wala silay legal basis. They just wanted to do something nga nagpakita ra nga how ignorant these punong barangays are? So, DILG na ang pangutan-a,” pamugos sa opisyal.