 |
401st Brigade Philippine Army Commander Col. Alexander Macario uban ang
pipila ka mga media practitioners sa Agusan del Norte.
|
BUTUAN
CITY
– Tungod sa pag-alsa sa katawhan batok sa rebeldeng grupo, nakontrola na sa
Armadong Kusog sa Pilipinas ang gikonsiderang insurgency hub sa probensya sa
Agusan del Sur ang lungsod sa Loreto.
Sumala ni 401st Brigade
Philippine Army Commander Col. Alexander Macario, kaniadto, kusog kaayo ang
insurhensiya sa maong lungsod sanglit nahimo kining kota sa mga rebelde.
Dugang ni Col. Macario, tungod
sa gihimong interbensyon sa goberno sama sa pagpatuman sa nagkadaiyang
proyektong pangkalamboan sama sa farm-to-market road, nibali ang katawhan nga
kaniadto nahimong kaabin sa mga rebelde, apan karon, nisimpatiya na sa
kagamhanan.
Subay niini, naningkamot ang
opisyal nga hingpit nang makontrola ang tibuok probensya diin ang gitutukan sa
puwersa mao na lamang ang utlanang bahin sa lungsod sa Loreto ug Laac sakop sa
probensya sa Compostela Valley.
Apan sa kinatibuk-ang assessment
sa opisyal, andam na sa kalamboan ang probensya sa Agusan del Sur sanglit kontrolado
na ang lihok sa walhong grupo.
“Ready
for development. Manageable na rin ang Agusan del Sur. Situation ng Loreto,
malaki ang ipinagbago. Kasi, nag-alsa na yong mga tao doon. Dati, yan ang
pinaka-sentro o hub ng insurgency sa Agusan del Sur. Ngayon hindi na.
Bumaliktad na yong mga tao diyan. Doon na lang sa boundary ng Laac saka Loreto,
hindi pa natin na fully address diyan. Pero, papunta tayo doon,” pahayag
ni Macario.
No comments:
Post a Comment