Kabataan Gipakaon sa Kapulisan

Ni Alex Mapoy

FEEDING: Gipakaon sa kapulisan sa lungsod sa Carmen ang kabataang magtutungha sa masustansyang pagkaon aron mamintina ang kahimsog sa panglawas. Photo courtesy of Carmen MPS

CARMEN, Agusan del Norte – Ubay – ubay nga kabataang magtutungha ang nakabenepisyo sa gipahigayong Feeding Activity sa kapulisan sa Carmen Municipal Police Station sa nakalabay’ng semana.

Ang benepisyaryong kabataan nagtungha sa Rojales Elementary School partikular na ang Grade IV pupils.

Gipangunahan ang nahisgotang aktibidad mismo ni Police Inspector Jennifer Suico Ometer, ang kasamtangang Deputy Chief of Police sa nasangpit nga presento.

Gipakaon sa kapulisan ang nahisgotang mga estudyante sa mga pagkaon nga puno sa bitamina nga dako og ikatabang nga mamintina ang kahimsog sa panglawas.

Mapasalamaton usab ang benepisyaryong kabataan sa pagpakabana sa kapulisan sa ilang panglawas pinaagi sa paglusad sa ingon niini nga kalihokan.

Lakip usab nga nipasalamat ang principal sa maong tunghaan ngadto sa kapulisan tungod sa interbensyon nga gihimo niini – ang Feeding Activity.

“PNP PERSONNEL OF THIS STATION LED BY PI JENNIFER SUICO OMETER, DCOP CONDUCTED FEEDING ACTIVITY TO THE GRADE IV PUPILS OF ROJALES ELEMENTARY SCHOOL.”

Hisayran ang liderato sa Carmen Municipal Police Station, wala lamang nakatutok pagpahugot sa seguridad sa katawhang Carmenanon kondi lakip usab nga gihatagan sa pagtagad ang kahimsog sa panglawas sa kabataan ug kahinlo sa palibot.

Lauman nga daghan pang kalihokan ang ipahigayon sa kapulisan alang katawhang Carmenanon kansang paagi gihimo aron mapaduol ang kapulisan sa komunidad.

Ang maong kalihokan gihimo isip kabahin sa pagselebrar sa National Nutrition Month