Petisyon Batok BCWD Gibasura

Ni Alex Mapoy

BUTUAN CITY – Gibasura sa Korte Suprema ang gidusong petisyon sa Ratepayers/Consumers batok sa Butuan City Water District (BCWD).

Pakyas ang grupo pagbayad sa “docket and lawful fees, deposit for costs, deposit for sheriff’s fee, and prayer for TRO” nga nagkantidad og P4, 730.00 hinungdan nga gibasura ang nasangpit nga petisyon.

Pinasikad sa Rule 65 ug pipila ka probisyones sa 1997 Rules of Civil Procedures, hatagan lamang og pagtagad sa Korte Suprema ang idusong “petitions for certiorari, prohibition and mandamus” sa mga petitioner kon makatuman kini sa gikinahanglang rekisitos.

“The Supreme Court, Third Division, dismissed the petition against the Butuan City Water District (BCWD) filed by the Ratepayers/Consumers of Butuan City Water District in a Resolution dated April 22, 2015.”

“In this case, the Court resolved to dismiss the petition for failure, on the part of the petitioners, to pay for docket and lawful fees, deposit for costs, deposit for sheriff’s fee, and prayer for TRO amounting to P4,730.00 in violation of the 1997 Rules of Civil Procedure.”

Kahinumdoman nga niduso ang grupo og “petition for certiorari, mandamus and damages with plea for temporary restraining order and/or writ of preliminary injunction and motion” sa Third Division sa Korte Suprema adtong Marso ning kasamtangang tuig.

Tumong sa petisyon nga masang-at ang kaso ngadto sa Supreme Court En Banc ug mapadali ang disposasyon, ingon man magpagawas og kamandoan batok sa nagpadayong implementasyon sa Treated Bulk Water Services Contract ug “exaction” sa minimum charge nga P208.00 sa unang “10 cubic meters” nga tubig.

Gikonsidera usab sa korte ang gipadalang sulat ni Raul N. Gogo, isa sa mga petitioners, penetsahan Abril 1, 2015 nga nagpahibalo sa korte nga dihang gipermahan niya ang “verification” sa maong petisyon, wala niya kini basaha ug wala usab niya nasabtan kon unsay tinuod nga unod niini.

Ang sulat ni Gogo gisukipan niya kini sa iyang “judicial affidavit” isip pamatuod kon giunsa niya pagperma ang maong “verification.”