Proyekto ug Pasilidad Gibisita

Ni Alex Mapoy

SITE VISITATION: Gibisita sa MOWD employees 

ang PPP Treated Bulk Water Project, Infiltration Gallery 

sa Iyao, ug Filtration Plant sa Taguibo ning siyudad 

adtong Bernes. Photo courtesy of BCWD.

BUTUAN CITY – Gibisita sa mga empleyado sa Misamis Occidental Water District (MOWD) ang PPP Treated Bulk Water Project, Infiltration Gallery sa Sitio Iyao sakop sa Brgy. Anticala, ug Filtration Plant sa Brgy. Taguibo ning siyudad adtong adlaw’ng Bernes.

Segon ni Butuan City Water District (BCWD) Senior Public Relations Office Ramil S. Barquin, tuyo sa grupo mao ang pagbisita sa buhatan ug nilawas nga makita ang mga lakang gihimo alang sa kaayohan sa mga konsumidor.

Dugang ni Barquin, ang gihimo sa grupo kabahin lamang sa Gender and Development (GAD) – Lakbay Aral Program.

Subay niini, gi-orient ang grupo kabahin sa inadlaw’ng operisyon sa BCWD ingon man ang gihimong lakang aron mapreserba ang watershed area.

Ang nahisgotang grupo, mokabat sa 70 ka buok nga gipangulohan ni MOWD General Manager Ferdinand Revelo.

“70 employees of Misamis Occidental Water District (MOWD), headed by General Manager Ferdinand Revelo, visited Butuan City Water District (BCWD) this morning as part of their Gender and Development (GAD) – Lakbay Aral Program. The group was briefed by BCWD on its operations and watershed best practices. The visiting MOWD employees were brought to the PPP Treated Bulk Water Project and Infiltration Gallery in Iyao and Filtration Plant in Taguibo,” pahayag ni Barquin.

Subay niini, mapasalamaton ang kadumalahan ni BCWD General Manager Engr. Anselmo Sang Tian ngadto sa tagdumala sa MOWD tungod sa pagpili sa water district ning siyudad nga maoy isa sa mga bisitahon.