Libreng Skills Assessment Gihanyag

Ni Alex Mapoy

TESDA Caraga Regional Director Dr. Florencio Sunico, Jr.

BUTUAN CITY – Gihanyag nga libre sa kadumalahan sa Technical Education and Skills Development Authority (TESDA) Caraga ang National Competency Assessment Certification (NATCAC) ning tibuok bulan sa Agosto.

Tanang Caraganons nga gustong mo avail sa maong programa ang libre kining magpa-assess sa nahuptang skills ngadto sa nagkadaiyang training centers dinhe sa rehiyon.

Nasuta ang rehiyon sa Caraga dunay 37 ka buok nga accredited training centers hinungdan nga daghan ang mahimong kapilian.

Nobentay siete (97) ka mga programa ang langkob sa assessment sama sa natad sa turismo, construction, ug daghan pang uban.

Sumala ni TESDA Caraga Regional Director Dr. Florencio Sunico, Jr., ang nahisgotang libre nga NATCAC mao ang ikaduha nga hugna diin dungan kini nga pagahimuon sa tibuok nasod sulod ning bulana.

Dugang ni Dr. Sunico, gihimo kini isip pahinungod sa tanang empleyado sa goberno, pribado, ug bisan kadtong self-employed ingon man media practitioners ang puwede nga maka-avail niini.

Ning tuig, mokabat sa 2,600 ang slots sa tibuok tuig nga gibahin sa tulo ka hugna.

Sa Training for Work Special Program (TWSP), nigahin ang rehiyonal nga buhatan og P1.5 milyones.

Nnghinaut ang direktor nga mapahimuslan kini nga kahigayonan sanglit gigahin kini alang sa tanan.

Sa higayon nga mo pasar sa assessment, maangkon niini ang National Certificate (NC).

Pamugos sa opisyal, ang TESDA NC holder mas pinangita kini sa kalibotan sa kusog pamuo hinungdan nga dili kini sayangan nga kahigayonan.

“We are doing of the second round of national competency assessment certification synchronizing para ma-inform ang kadaghanan. This is dedicated for our workers, government workers, industry workers, those who are self-employed like those from the media practitioners, puwede mo avail niini nga program. 2,600 ang atong slots for this year. This only happens three times a year kay tulo mani ka batches. We allocated from our TWSP fund P1.5 million. 37 ka participating training centers ang puwede maka-assess kay didto man sila i-assess sa atong accredited training centers. 97 programs ang covered niini in tourism, construction, land transport, and alike. So, ubay-ubay ang puwede nga mapilian. After this, puwede sila makakuha ng NC (National Certificate),” pahayag ni Dr. Sunico.