Processing Center sa Caraga, 2 Lang

Ni Alex Mapoy

Dan Mark B. Moral, ang Chapter Blood Center In-Charge sa PRC Agusan del Norte – Butuan City chapter

BUTUAN CITY – Taliwala nga dako ang rehiyon sa Caraga, apan duha lamang ang processing center sa dugo.

Gilangkoban kini sa Philippine Red Cross (PRC) Agusan del Norte – Butuan City Center ug Caraga Regional Hospital sa dakbayan sa Surigao.

Nagtimaan nga ang dugo nga makolekta sa Local Chapter sa PRC ang dalhon kini kon asa nga Blood Processing Center ang pinakaduol.

Sumala ni Dan Mark B. Moral, ang Chapter Blood Center In-Charge sa PRC Agusan del Norte – Butuan City chapter, ang dugo nga makolekta sa Agusan de Sur, dalhon kini sa Blood Processing Center ning siyudad – PRC Butuan samtang ang dugo nga makolekta sa Surigao del Sur, Province of Dinagat Island (PDI), ug Surigao del Norte ang dalhon kini sa Caraga Regional Hospital.

“Kay dinhe sa Caraga region, duha lang ang testing center – Butuan Red Cross Center ug Caraga Hospital sa Surigao. Ang dugo nga makolekta sa Agusan del Sur ang dalhon kini sa Butuan aron i-process,” pagkomperma ni Moral.

Tanang dugo nga makolekta ang ipailawom sa screening test aron walay dugo nga maabuno ngadto sa pasyente nga kontaminado sa makatakod nga sakit.

Pasabot sa opisyal, importante kaayo nga ang dugo i-process adiser ihatag sa ingon maseguro nga limpiyo ang dugo nga i-abuno.

Kon diretso lamang i-abuno ang dugo nga wala napailawom sa screening test, sama lamang nga gitiwasan ang pasyente sanglit walay kasegurohan kon limpiyo ba ang maong dugo o dili.

“Kon buot hunahunaon, kanang blood processing fee, dili na para basta-basta gastohon bisan unsa lang. Kana nga processing fee, gasto na para ang dugo mahimo nga safety. Luwas sa mga sakit. Gasto sa tanang operation,” ang pagpasabot sa opisyal.