Monday, April 27, 2015

CBR Establishment Owners Seminaron

Ni Alex Mapoy
BUTUAN CITY – Gitakdang ipailawom sa Department of Trade and Industry (DTI) Agusan del Norte ang tanang nanag-iya og establisyemento sa dakbayan sa Cabadbaran sa usa ka Business Education Seminar (BES) nga ipahigayon diha sa Cabadbaran City Hall karong Abril 29, Merkules.

Katuyuan niini mao ang paghisgut sa Department Administrative Order (DAO) No. 48, series of 2008.

Sumala ni DTI Agusan del Norte Officer-In-Charge Gay A. Tidalgo, ang DAO No. 48 naghatag og giya kabahin sa Fair Trade Laws (FTLs).

Dugang ni Tidalgo, ilawom sa DAO, wala nay establisyemento pa nga makadawat og “warning letters” kon mapamatud-an nga nakahimo kini og kalapasan sa Trade and Industry Laws (TILs).

Ang gipasabot sa opisyal nga warning letters mao ang Notice of Violation kansang pagpahibalo ang ihatag gilayon sa Enforcement Team sa higayong magpahigayon kini pagpatuman sa maong kamanduan.

“DAO No/ 48, s2008 provides the Fair Trade Laws (FTLs) guidelines to be followed in the conduct of DTI’s enforcement activities. Under this DAO, warning letters are no longer issued to establishments found violating any Trade and Industry Laws as Notice of Violation will be issued immediately by the Enforcement Team at the time of enforcement,” tipik sa mensahe ni Tidalgo.

Pasabot sa opisyal, ang nahisgutang patakaran kinahanglan nga padayon kining ipasabot ngadto sa kadumalahan sa nagkadaiyang establisyemento labi na niadtong bag-o pa sa natad sa pagnegosyo.

Sa maong paagi, mahatagan og kahigayonan ang tag-iya sa pamatigayon nga matuman niini ang TILs sama sa Price Tag Law, Labelling, Sales Promo, Product Standards, No Return No Exchange Policy, ug daghan pang uban.

No comments:

Post a Comment