Thursday, August 27, 2015

Inconsistency sa NBP College, Gipanghimakak

Ni Mike Glenn B. Obungen
Unsay kaugmaon sa New Buenavista Polytechnic College human gibasura ang Municipal Ordinance No. 13 – 2015 nga mas nailang, “An Ordinance Establishing a College Institution in the Municipality of Buenavista, Agusan del Norte to be Known as a New Polytechnic College” human gibasura sa Sangguniang Panlalawigan sa Agusan del Norte tungod sa inconsistencies?
BUENAVISTA, Agusan del Norte – Gipanghimakak ug hugot nga gibarugan sa kagamhanang lokal sa lungsod sa Buenavista, Agusan del Norte nga na comply ang tanang rekisitos nga gipangayo sa Commission on Higher Education (CHED) Caraga basi sa checklist nga gihatag sa komisyon kanila.

Pagpalapad sa Serbisyong Panglawas, Dakong Hagit - Bangues


Ni Alex Mapoy
Hagit sa kadumalahan ni RMN Butuan Manager Ramil Bangues ang pagpalapad sa serbisyong panglawas sunod tuig tungod sa pagdagsa sa mga nanginahanglan.
BUTUAN CITY – Subra libo ka mga Butuanon ug Agusanon ang nakapahimulos sa gipasiugdahan nga Medical and Dental Mission sa RMN DXBC Butuan sa Capitol Covered Court, Capitol Compound sakop ning siyudad kagahapon.

Bloodletting sa Capitol, Gilangaw

Ni Alex Mapoy
Kinaiya sa Pilipino nga abtik mangayo, apan kon maoy pangayoan, magdumili. Ang mga tiil nga makita sa unahan nga naglinya mao ang mga Pilipino nga nangayo og serbisyo. Apan sa mga boluntaryong mi-donar og dugo, mas daghan pa ang folding-bed nga gi-andam sa PRC Butuan City – Agusan del Norte Chapter. 
BUTUAN CITY – Daghan ang nanginahanglan, apan diyutay lamang ang ni-donar sa kaugalingong dugo ngadto sa Philippine Red Cross (PRC) Butuan City – Agusan del Norte chapter.

Breast Milk Walay Makatumbas – NNC

Ni Alex Mapoy
Caraga Nutrition Officer III Retsebeth
M. Laquihon
BUTUAN CITY – Kon tinuod nga naglantaw ang inahan sa kaayohan sa anak, angayan kining pasusuhon ug dili hatagan sa infant formula.

Sumala ni National Nutrition Council (NNC) Caraga Nutrition Officer III Retsebeth M. Laquihon, walay makatupong sa gatas sa inahan kon bitamina ang hisgotan sanglit kompleto kini.

Dugang ni Laquihon, mas suod ang bata sa inahan kon kini gipasuso sanglit mabati sa bata ang motherly care o inahanong pag-amoma hinungdan nga dili angayang idawo sa inahan ang gatas ngadto sa anak.

Tambag sa opisyal, niadtong inahan nga dunay trabaho, mas maayong isulod ang gatas sa bottle og ibutang kini sa refrigerator.

Katuyoan niini nga kon gutomon ang batang masuso, mahatagan gilayon kini sa gatas sa inahan.

PDRRMC Agusan Nisakmit og Pasidungog


Ni Alex Mapoy
Nahimong hagit sa liderato ni Erma R. Suyo sa PDRRMC Agusan del Norte ang pagmintina sa maong pasidungog sa umaabot nga katuigan. Photo courtesy of Sonny T. Montilla
AGUSAN DEL NORTE – Garbo sa probensyal nga kagamhanan sa Agusan del Norte human nisakmit og pasidungog ang Agusan del Norte Provincial Disaster Risk Reduction Management Council (PDRRMC).

NBP College, Gibasura

Ni Alex Mapoy
Luyo sa maayong katuyoan sa LGU Buenavista pagtukod sa New Polytechnic College, gibasura sa Sangguniang Panlalawigan sa Agusan del Norte ang ordinansa nga naghatag legalidad sa katukuran niini tungod sa nakitang inconsistency. 
AGUSAN DEL NORTE – Gibasura sa 16th Sangguniang Panlalawigan sa Agusan del Norte ang Municipal Ordinance No. 13 – 2015 nga napalabang sa Sangguniang Bayan sa Buenavista atol sa ika-101 ka hugna sa Regular Session sa SP Session Hall, Capitol Compound sakop sa siyudad sa Butuan adtong Agosto 10, 2015.

Loan Amnesty Dili All Time Ihanyag


Ni Alex Mapoy
Ang utang angayang bayran ug dili na hulatan nga mamultahan, tambag ni SSS Butuan Assistant Branch Head Arnold Pepino.
BUTUAN CITY – Gitin-aw sa kadumalahan sa Social Security System (SSS) Butuan nga dili sa tanang higayon ihanyag sa ahensya ang Loan Amnesty Program.

Quiz Show, 2 Mikampeon

Ni Alex Mapoy
BCWD Senior Public Relations Officer 
Ramil S. Barquin
BUTUAN CITY – Nanghawod sa gipahigayon nga BCWD Quarterly Water Quiz Show ang pambato sa Sumilihon Central Elementary School ug Cabcabon National High School sa Jesus Family Ministries Hall ning siyudad kagahapong adlawa.

Giila ni BCWD Senior Public Relations Officer Ramil S. Barquin ang nahisgotang mga pambato nga sila Baby Russelle Cogal sa Sumilihon Central Elementary School ug Clark Bryce Escabarte sa Cabcabon National High School.

“Baby Russelle Cogal of Sumilihon Central Elementary School and Clark Bryce Escabarte of Cabcabon National High School were declared champions for Elementary Level and High School Level, respectively, in the just concluded BCWD Quarterly Water Quiz Show at Jesus Family Ministries Hall,” pag-ila ni Barquin.

Nakasentro ang mga pangutana kalabot sa pagkonserba sa tubig ingon man sa kinaiyahan.

Iodized Salt Gibida


Ni Alex Mapoy
Dako og ikatabang ang Iodized Salt sumala ni NNC Caraga Nutrition Officer III Retsebeth M. Laquihon sa lawas sa tawo alang sa survival ug development niini. 
BUTUAN CITY – Gibida sa National Nutrition Council (NNC) Caraga ang paggamit sa Universal Salt Iodization (USI) ngadto sa mga Caraganon.

Tuesday, August 25, 2015

Seed Varieties Gibida

Ni Alex Mapoy
Gipangitaan og paagi sa ahensya sa agrikultura nga matabangan ang mga mag-uuma nunot sa pag-usab usab sa dagan sa panahon aron dili kini maalkansi.
BUTUAN CITY – Ubay – ubay na nga mga variety sa humay ang gibida sa Department of Agriculture (DA) Caraga ngadto sa mga mag-uuma ning rehiyon.

Halos 20-mil Agusanon, Wala Narehistro

Ni Alex Mapoy
AGUSAN DEL NORTE – Doble – kayod ang buhatan sa Commission on Election (Comelec) Agusan del Norte nga ma-rehistro ug makuhaan og biometric ang halos 20,000 pa ka mga Agusanon.

Kabahin sa paningkamot sa buhatan mao ang pagpahigayon og Satellite Registration aron maseguro nga marehistro ang tanang botante.

Dinhe sa Butuan, dunay gitakdang Satellite Registration diha sa Robinson’s Place Butuan karong Agosto 30 ug Septembre 27 nga pulos natunong sa kataposang Dominggo sa nahisgotang mga bulan.

SUCs’ Budget Decrease, Dili Tinuod - CHED

Ni Alex Mapoy
BUTUAN CITY – Gipanghimakak sa kadagkoan sa Commission on Higher Education (CHED) ang alegasyon nga gipaubsan sa gobernong Aquino ang alokasyon alang sa State Universities and Colleges (SUCs).

Dumduman nga atol sa Kontra SONA ni Vice – President Jejomar Binay, gipamugos sa nahisgotan nga ang budget sa SUCs adtong 2014, anaa lamang sa P35.93 bilyones ug sa samang tuig, ang University of the Philippines (UP) nakadawat lamang og P9.37 bilyones samtang P1.97 bilyon sa Mindanao State University (MSU).

Sumala ni CHED Caraga Chief Education Program Specialist Engr. Ramil A. Sanchez, gidiga ni CHED Chairperson Patricia B. Licuanan, Ph.D. ang datos nga mokabat sa P22.03 bilyones ang gigahin sa gobernong Aquino adtong tuig 2011 samtang ning tuiga 2015, mokabat sa P42.28 bilyones ang gigahin sa kasamtangang administrasyon alang sa SUCs.

Caraganon Giawhag Pag-undang sa Panigarilyo

Ni Alex Mapoy
Angayang putlon ang bisyo sa panigarilyo aron dili kini magbasol sa kaulahian, awhag ni DOH Caraga RD Dr. Jose Llacuna, Jr.
BUTUAN CITY – Peligroso sa panglawas sa tawo ang bisyo sa pagpanigarilyo hinungdan nga angay lamang kining undangon sa mga nagbisyo niini.

Plastic Nakadaut sa Coral Reef

Ni Alex Mapoy
Angayang undangon sa katawhan ang paglabay og plastic sa dagat aron dili madaut ang coral reef, awhag ni DENR Caraga RD Nonito Tamayo.
BUTUAN CITY – Gitumbok sa Department of Environment and Natural Resources (DENR) Caraga nga isa sa mga hinungdan nganong nadaut ang mga coral reefs mao ang padayon nga paglabay sa mga tawo og pastic ngadto sa kadagatan.

Serbisyong Pangkalinaw Gitunol

Ni Alex Mapoy/PIA Caraga
Gilauman sa nagkadaiyang ahensya sa goberno nga magdala og kalinaw sa lungsod sa Marihatag, Surigao del Sur ang nagkadaiyang serbisyo nga gitunol sa Peace Caravan. Photo courtesy of PIA Caraga
MARIHATAG, Surigao del Sur – Dul-an 15,000 ka indibidwal ang natunulan sa nagkadaiyang serbisyo nga gihanyag sa Association of Caraga Executives (ACE) ug Office of the Presidential Adviser on Peace Process (OPAPP) atol sa gihimong Peace Caravan o Serbisyo Caravan sa Barangay San Isidro Gym lungsod sa Marihatag, Surigao del Sur kagahapong adlawa.

Pagpakusog sa Produksyon Gipaningkamotan

Ni Alex Mapoy
Kayod-kalabaw ang Department of Agriculture (DA) pagtabang sa mga mag-uuma nga mahimong mabungahon ang ilang paningkamot labi na sa pananom niining humay ug dili maalkansi sa pag-usab usab sa klima.
BUTUAN CITY – Sa tinguha nga dili maalkansi ang mga mag-uuma sa produksyon sa humay, gilusad sa Department of Agriculture (DA) Caraga ang School on the Air (SOA) on Rice and Climate Change sa lungsod sa Bunawan sakop sa probensya sa Agusan del Sur.

AlkanSSSya Program Mihinay

Ni Alex Mapoy
Wala nakita sa mga piniriso ang kaayohan nga naghulat kanila sa unahan kabahin sa malahutayong paghangop sa AlkanSSSya Program sa BJMP ug SSS.  
BUTUAN CITY – Nihinay human wala hatage og importansiya sa mga piniriso ang gibida sa Bureau of Jail Management and Penology (BJMP) Caraga nga AlkanSSSya Program uban ang Social Security System (SSS).

5 Ronda Gihimo, 6 Dakpan

Ni Alex Mapoy
Drugas ug paraphernalia nga maoy nakapalipay sa mga dinakpang drug pushers/users sa higayon sila mo suyop, apan mao ra usay naghatod kanila sa bilanggoan. Photo courtesy of PRO 13
BUNAWAN, Agusan del Sur – Unom ka mga gituohang drug pushers/users ang nasikop sa hiniusang puwersa sa awtoridad subay sa gihimong lima ka hugna nga pagpangronda sa managlahing purok sa Barangay San Teodoro, lungsod sa Bunawan sakop sa naasoy’ng probensya.