Wednesday, August 5, 2015

PDI Madeklarang Rabies Free?

Ni Alex Mapoy
Kumpiyansa ang probensyal nga panggamhanan sa Dinagat Island nga madeklarang Rabies Free Zone ang tibuok probensya sulod ning tuiga. Photo credit to DA Caraga Public Relations Officer II Aurelius P. Arais


PROVINCE OF DINAGAT ISLAND (PDI) – Kampante ang probensyal nga kagamhanan sa Dinagat Island nga madeklarang Rabies Free Zone ang tibuok probensya sulod ning tuiga.

Caraganon Students Gitakdang Bakunahan

Ni Alex Mapoy
The booster shots given to children as they reach Grade 1 and 7 will prepare them and give them lifetime immunity especially during calamities, says DOH Caraga RD Dr. Llacuna. Photo by Alex Mapoy
BUTUAN CITY – Pursigido ang kadumalahan sa Department of Health (DOH) Caraga nga sugdan ang 2015 School-Based Adolescent Immunization sunod semana.

Donated Blood Kontaminado sa HIV

Ni Alex Mapoy
Proseso sa pagkuha og dugo diin kuhaan ang blood donor ug ang dugo nga makuha, ipailawom sa screening test aron masuta kon luwas ba kining i-abuno ngadto sa nanginahanglang pasyente. Photo by Alex Mapoy

BUTUAN CITY – Gikomperma sa kadumalahan sa Philippine Red Cross Agusan del Norte – Butuan City Chapter nga pipila ka bag sa dugo nga nakolekta sa buhatan gikan sa mga blood donors ang nagpositibo sa makatakod nga sakit sulod ning tuiga.

Accomplishment Rate sa Water Project Gikalipay

Ni Alex Mapoy
Kasamtangang hulagway sa Public-Private Partnership (PPP) Treated Bulk Water Project nga nahimutang sa Sitio Iyao, Brgy. Anticala ning siyudad. Photo credit to BCWD

BUTUAN CITY – Gikalipay sa pipila ka mga konsumidor sa Butuan City Water District (BCWD) human nahibaw-an ang pinakaulahing kahimtang sa Public Private Partnership (PPP) Treated Bulk Water Project nga nahimutang sa Sitio Iyao, Brgy. Anticala ning siyudad.

Tuesday, August 4, 2015

146 TB Patients sa Caraga Natala

Ni Alex Mapoy
There is life after Multi-Drug Resistant Tuberculosis, says DOH 
Caraga National Tuberculosis Program Coordinator Nurse V 
Arlene M. Serrano. Photo by Alex Mapoy
BUTUAN CITY – Gikomperma sa kadumalahan sa Department of Health (DOH) Caraga nga nilansang na sa 146 ka mga Caraganon ang nataptan sa tuberculosis (TB) ning rehiyon.

Lakip sa maong ihap ang mga nataptang indibidwal sa tuig 2011 hangtod ning kasamtangang tuig.
Basi sa datos, 15 niini ang na gikan sa Agusan del Norte, 12 sa Agusan del Sur, 59 sa Surigao del Norte, 45 sa Surigao del Sur, ug 11 sa Province of Dinagat Islands (PDIs).

Sumala ni DOH Caraga National Tuberculosis Program Coordinator Nurse V Arlene M. Serrano, dili angayang kabalak-an ang maong sakit bisan pa kini og makatakod sanglit mahimo kining matambalan sa higayon mahatagan lamang kini sa saktong medikasyon.

Tambag ni Serrano niadtong dunay TB, dili paltahon ang pag-inom sa tambal batok sa maong sakit aron dali kining maulian.

Accredited Slaughterhouses, 5 Lang – NMIS Caraga

Ni Alex Mapoy
Gilista ni NMIS Caraga Senior Meat Control Officer Dr. Bernadette Montenegro ang mga accredited nga slaughterhouses sa tibuok rehiyon sa Caraga. Photo by Alex Mapoy
BUTUAN CITY – Lima lamang ka mga slaughterhouses ang kasamtangang accredited sa National Meat Inspection Service (NMIS) Caraga.

Water Project Subleng Gisusi

Ni Alex Mapoy
Hulagway sa Public-Private Partnership (PPP) Treated Bulk Water Project in Sitio Iyao, Brgy. Anticala, Butuan City. Photo courtesy of BCWD.
BUTUAN CITY – Naneguro ang kadumalahan sa Butuan City Water District (BCWD) kon duna bay katumanan ang saad sa tagdumala sa Taguibo Aquatic Solutions Corporation (TASC) nga adiser mahuman ang kasamtangang tuig, matilawan na ang serbisyo.

PO Leaders Gustong Magbantay Gubat

Ni Alex Mapoy
DENR Caraga Regional Spokesperson Eric Gallego
SURIGAO DEL SUR – Boluntaryong nihanyag ang pipila ka lideres sa nagkadaiyang grupo nga nilambigit sa National Greening Program (NGP) ug Community-Based Forest Management Agreement holders sa kadumalahan sa Department of Environment and Natural Resources (DENR) Caraga nga mo apil sa Bantay Gubat Program.

Katuyoan matod pa sa grupo nga mapakusgan pa ang naasoy’ng programa sa ahensya sa ingon mabatokan ang bisan unsa mang matang sa iligal nga pagpamutol sa kahoy sa maong probensya.

Sumala ni DENR Caraga Regional Spokesperson Eric Gallego, gipadayag sa mga nahisgotan ang interes atol sa gipahigayong forum nga gipasiugdahan sa Conservation and Development Division (CDD) sa pagpanguna ni Forester Maritess M. Ocampo ilawom sa Technical Services sa ahensya uban sa pakig-alayon sa PENR Office – Surigao del Sur.

Earthquake Drill Gidayeg

Ni Alex Mapoy
EARTHQUAKE DRILL: Gatosan ka mga estudyante lakip ang mga magtutudlo ang gitudloan sa kapulisan sa lungsod sa Alegria, Surigao del Norte kon unsay buhaton sa higayon dunay linog. Photo courtesy of Alegria MPS
ALEGRIA, Surigao del Norte – Gatosan ka mga estudyante sa Alegria National High School, Brgy. Ouano sakop sa maong lungsod ang mainitong nisalmot sa gipahigayong Earthquake Drill sa nakalabay’ng semana.

Lig-ong Relasyon Gipaagi sa Clean-Up Drive

Ni Alex Mapoy
CLEAN-UP DRIVE: Ni-abag ang mga opisyales sa Brgy. San Vicente lungsod sa Jabonga Agusan del Norte ingon man ang mga benepisyaryo sa 4Ps sa pagpanghinlo sa baybayong bahin. Photo courtesy of Jabonga MPS
JABONGA, Agusan del Norte – Serye nga clean-up drive ang gipahigayon sa mga personahe sa Jabonga Municipal Police Station ngadto sa kabaranggayan sakop sa naasoy’ng lungsod.

2015 Census Gilusad

Ni Alex Mapoy
Gidasig nila PSA Caraga Interim Regional Director Dr. Rosalinda 
Celeste – Apura ug NEDA Caraga Regional Director Mylah Faye 
Aurora B. Cariño ang tanang Caraganons nga “Magpabilang. 
Magpa-Census” subay sa paglusad sa 2015 Census 
of Population. Photo by Alex Mapoy
BUTUAN CITY – Pormal nang gilusad sa Philippine Statistics Authority (PSA) Caraga ang 2015 Census of Population diha sa Robinsons’ Place Butuan, Lunes sa hapon.

Sugdan ang pagpahigayon og census karong Agosto 10 ug mahuman kini karong Setyembre 6 sa kasamtangang tuig.

Mokabat sa 2,770 ka mga field personnel ang ipakatag sa rehiyonal nga buhatan sa tibuok rehiyon.

Sa kinatibuk-ang ihap, 2,054 niini mga Enumerators, 534 ang Team Supervisors, 134 mga Census Area Supervisors (CAS), 34 ka Head Census Area Supervisors, ug 14 ka mga CAS Supervisors kinsa maoy ipakatah sa lima ka mga probensya nga naglangkob sa Agusan del Norte, Agusan del Sur, Surigao del Norte, Surigao del Sur, ug Dinagat Island Province.

Subay niini, giawhag ni PSA Caraga Interim Regional Director Dr. Rosalinda Celeste – Apura ang tanang Caraganons nga magpa-Census sa ipakatag nga personahe ug ihatag ang hustong detalye.

75 Klaseng Mananap Gitunol

Ni Alex Mapoy
SURIGAO DEL NORTE – Setentay singko ka mga klaseng kahayopan ang hingpit nga natunol nga 19 ka mga mag-uuma ug 3 ka hugpong sa mga mag-uuma sa naasoy’ng probensya.

Gilangkoban kini sa 15 ka mga manok bisaya, 25 ka mga kabaw, 4 ka mga baka, 26 ka mga kanding, ug 5 ka mga baboy.

Subay niini, gipahimangnoan ni Provincial Veterinarian Dr. Life Shiela Laugo ang tanang benepisyaryo nga atimanon pag-ayo ang nadawat nga kahayopan aron kini managhan ug matabangan ang inadlaw niining panginabuhian.

Sumala ni Department of Agriculture (DA) Caraga Information Officer I Fretcher Magatao, gikalipay pag-ayo sa mga benepisyaryong mag-uuma ang nadawat niining hayop.

Alegasyong Pagpasagad Gihimakak

Ni Alex Mapoy
BUTUAN CITY – Gipanghimakak sa kadumalahan sa Department of Environment and Natural Resources (DENR) Caraga ang alegasyon nga wala kini gihimong lakang alang sa pagpalambo sa Taguibo Watershed area.

Sumala ni DENR Caraga Spokesperson Eric Gallego nga atol sa gipahigayong First Butuan Water Rights Summit ning siyudad, gihikyad ni DENR 13 Regional Director Nonito M. Tamayo ang datos kabahin sa mga lakang pangkalamboan sa Taguibo Watershed nga nahimo sa rehiyonal nga buhatan.

Unod sa datos ang 1,303 ka ektaryang luna sa Taguibo Watershed ang natamnan sa ahensya sa nagkadaiyang klase sa semilya sa kahoy sulod sa napulo ka tuig sukad adtong tuig 2004.

Pagkaon sa Masustansyang Pagkaon Giawhag

Ni Alex Mapoy
TAMBAG: Gidasig ni Grade VI Adviser Rosette Geducos ang tanang magtutungha nga atimanon ang lawas aron kanunay kining himsog. Maangkon lamang ang himsog nga panglawas kon batasanon ang pagkaon sa masustansyang pagkaon ug kanunay’ng mag-eherisyo. Photo by Alex Mapoy

BUTUAN CITY – Gitambagan sa kadumalahan sa Rainbow of Angels Learning Center, Inc. nga nahimutang sa 218 Montilla Boulevard, ning siyudad ang tanang estudyante nga atimanon ang panglawas pinaagi sa pagkaon sa masustansya nga pagkaon.

Konsumidor Daling Giabisohan

Ni Alex Mapoy
ADVISORY: Bunga sa dili matagna nga dagan sa panahon sa Taguibo Watershed Area, giabisohan sa water district ang tanang konsumidor nga magtigom og daghang tubig aron duna kini magamit kon ugaling mawala ang suplay. Photo courtesy of BCWD.
BUTUAN CITY – Gi-abisohan ang tanang konsumidor sa Butuan City Water District (BCWD) nga dili angayan nga mahimong kampante subay sa pagbalik sa normal nga pressure sa tubig.

Maternity Puwede sa Dalaga

Ni Alex Mapoy
MATERNITY BENEFIT: Giklaro ni SSS Butuan Assistant Branch Head Arnold Pepino nga wala nay distinction karon sa minyo ug dalaga sa pag-avail sa maternity benefits. Photo by Alex Mapoy
BUTUAN CITY – Dili na limitado ang maternity benefit sa minyong babae nga membro sa Social Security System (SSS) kondi mahimo usab kining mapahimuslan sa membro nga dalaga kon kini manganak.

Pagmanehong Nakainom, Likayan

Ni Alex Mapoy
TAMBAG: Angayan likayan ang pagmanehong 
hubog aron kini malikay sa disgrasya, awhag ni 
SPO4 Anisberto Rivera, ang Officer-In-Charge
 sa Traffic Section sa Butuan City Police Station 
1. Photo by Alex Mapoy
BUTUAN CITY – Likayan ang pagmaneho og sakyanan nga impluwensiyado sa ilimnong makahubog aron dili kini madisgrasya ug mabalhog sa bilangguan.

Awhag kini ni SPO4 Anisberto Rivera, ang Officer-In-Charge sa Traffic Section sa Butuan City Police Station 1 ngadto sa tanang driver sa motorsiklo man o sa 4-wheel vehicles.

Sumala ni SPO4 Rivera, dakong problema sa driver kon kini mag-drive nga hubog sanglit kon kini makadisgrasya, segurado nga kini mapriso.

Dugang ni SPO4 Rivera, peligroso nga magmanehong hubog sanglit dili kini maka-concentrate sa pag-drive ug duol ra usab kini sa disgrasya.

Kon masakpan nga nagmanehong hubog, bug-at nga silot ang atubangon sa hingtungdang driver subay sa nakalatid sa Republic Act (RA) 10586 o mas nailang Anti-Drunk and Drugged Driving Act of 2013.

“Kinahanglan nga mag-drive, dili hubog. Once nga hubog mag-drive, unya, madisgrasya, mapriso gyud,” awhag ni Rivera.

Gitin-aw sa opisyal, simple lamang ang buhaton aron malikayan ang disgrasya sa dalan ug dili usab masilotan tungod sa pagmanehong hubog mao lamang ang pag-amping sa pagmaneho ug kon naka-inom, dili kini mo drive og sakyanan.