Saturday, November 28, 2015

Pot Session Pangsud-an, Tagbalay Nisugot

Ni Alex Mapoy
Ramil Sekritaryo gibasahan sa search warrant nga gipagawas sa korte.
BUTUAN CITY – Usa ka padre de pamilya ang nisugot nga himuong pot session area sa druga ang kaugalingong panimay human gihanyagan nga hatagan og pangsud-an sa mga drug addict.

Kabaw ug Binhi Gipanghatag

Ni Alex Mapoy
Photo courtesy of Department of Agriculture (DA) Caraga
BUTUAN CITY – Daghang mag-uuma nga nitambong sa gipahigayong turnover ceremony sa mga subprojects ug equipments nga gipangunahan ni Agriculture Secretary Proceso Alcala ang nakadawat og kabaw ug binhi sa Caraga State University (CSU) Gymnasium, Barangay Ampayon, sakop ning siyudad sa nakalabay’ng adlaw.

Hangyo sa Konsumidor, Gisanong

Ni Alex Mapoy
BUTUAN CITY – Positibong gisanong sa kadumalahan sa Butuan City Water District (BCWD) ang hangyo sa mga konsumidor nga lakip mapadal-an og BCWD Advisory kada adlaw.

Una nang gipaabot sa pipila ka mga konsumidor sa water district sa Mindanao Centro Daily nga unta maapil kini sa kada adlaw nga BCWD Advisory sa buhatan labi na sa pagpaabot sa nag-unang advisory nga ipagawas.

Dog Bites sa SurSur, Nisulbong

Ni Alex Mapoy
SURIGAO DEL SUR – Doble-kayod ang Provincial Health Office nga dili na madugangan ang ihap sa kaso sa dog bites sa tibuok probensya human nilansang sa kapin 700 ang ihap sa mga biktima.

Basi sa datos, ang tibuok probensya dunay dog bites nga 732 ka buok diin ang mga biktima daling nadapatan og medikasyon.

Sa impormasyon sa Philippine Information Agency (PIA)Caraga, gipahayag matod pa ni PHO Chief Dr. Eric Montesclaros nga 684 sa mga nahisgotan o 93.44% niini ang nahatagan og tissue culture vaccine (TCV).

Pamilya Nabungkag; Druga Gibasol

Ni Alex Mapoy
PPA DOJ Butuan Chief Probation and Parole Officer Cristina R. Argente
BUTUAN CITY – Daghang pamilya ang nabungkag ug nahimong miserable ang pamuyo human nalambigit sa gidiling druga.

Prisohan Gihimong Bakasyonanan

Ni Alex Mapoy
BUTUAN CITY – Gihimong balay bakasyonanan ang Butuan City Jail (BCJ) sa mga indibidwal nga nalambigit sa gidiling drugas.

Agri Projects ug Equipment, Gitunol

Ni Alex Mapoy
Agriculture Secretary Proceso J. Alcala
BUTUAN CITY – Lima ka mga farm-to-market roads (FMRs) ug mga ekipos pang-uma ang gitunol sa Department of Agriculture (DA) sa pagpanguna ni Agriculture Secretary Proceso J. Alcala nga mapahimuslan sa mga Agusanon subay sa opisyal nga pagtunol sa Caraga State University (CSU), Barangay Ampayon sakop ning siyudad sa Butuan, adlaw’ng Lunes.

Mayorya sa Aplikante, Nalambigit sa Druga – Parole Butuan

Ni Alex Mapoy
APLIKANTE. Gipasabot ni PPA DOJ Butuan Chief Probation and Parole Officer Cristina R. Argente ang mga aplikante pagka-probationer o pagka-parolee nga lisod aprubahan ang aplikasyon kon kini nalambigit sa gidiling drugas. 
BUTUAN CITY – Giangkon sa kadumalahan sa Parole and Probation Administration (PPA) Butuan nga mayorya sa mga piniriso nga ni-aplay pagka-probationer sa buhatan mao kadtong nalambigit sa gidiling drugas.

No Christmas Break Batok Illegal Loggers

Ni Alex Mapoy
Photo courtesy of DENR Caraga Communication and Development Office Supervisor Eric Gallego
BUTUAN CITY – Nipakanaug na og kamandoan ang rehiyonal nga buhatan sa Department of Environment and Natural Resources (DENR)Caraga sa tanang personahe nga dili magpinakloy pagbantay sa illegal logging activities panahon sa Pasko.

Promotion Gikalipay Apan Gikaguol

Ni Alex Mapoy
BUTUAN CITY – Gitakdang hulipan ang kadumalahan sa Parole and Probation Administration (PPA) DOJ Bislig epektibo karong Desembre 16 ning kasamtangang tuig.
Hisayran nga ibalhin si CPPO Wilma Tajonera kinsa maoy kasamtangang nagdumala sa PPA DOJ Bislig ngadto sa PPA DOJ Tandag.

Casualties sa Bomba, Gipanghimakak

Ni Alex Mapoy
Sakyanan sa kasundalohan nga mahimong gamiton sa operisyon
BUTUAN CITY - Gipanghimakak sa Armadong Kusog sa Pilipinas ang pasiatab sa rebeldeng New Peoples Army (NPA) nga dunay pito ka buok patay ug mga angol sa tropa sa goberno dihang gipabusikad ang gitanom nga bomba sa National Highway, Sitio Pagao, Brgy. Campo, Bacuag, Surigao del Norte sa nakalabay'ng semana.

Bomba Gipabusikad, 7 Sundalo Patay?

Ni Alex Mapoy
BACUAG, SURIGAO DEL NORTE – Pito matod pa ka mga sundalo ang patay samtang dili pa matino ang ihap sa mga angol human gipabusikad sa Bagong Hukbong Bayan (BHB) sa New Peoples Army (NPA) ang gitanom nga bomba sa National Highway, Sitio Pagao, Campo, Bacuag, Surigao del Norte sa nakalabay’ng semana.

Serbisyong De Kalidad, Gihangyo

Ni Alex Mapoy
Hulagway sa Public – Private Partnership (PPP) Project. Kuha adtong bulan sa Oktobre 2015. Kuha sa BCWD
BUTUAN CITY – De kalidad ug malahutayong serbisyo ang gihangyo sa katawhang konsumidor ngadto sa Butuan City Water District (BCWD) nga mahatag.

ALCADEV Cottage, Gisunog; Pagpanulis Ang Motibo – AFP

Ni Alex Mapoy
SIBAGAT, AGUSAN DEL SUR – Tulis ang nakitang motibo sa nahitabong pagpangsunog sa armadong kalalakin-an ngadto sa cottage sa Alternative Learning Center for Agricultural and Livelihood Development (ALCADEV) nga nahimutang sa KM 30, Sitio Bolonbon, Brgy. Padiay, Sibagat Agusan del Sur adtong Nobembre 12 sa ka adlawon.

Kawad-on, Gisakyan sa Drug Syndicate

Ni Alex Mapoy
PDEA Caraga Regional Director Julius R. Navales
BUTUAN CITY – Gisakyan sa sindikato sa druga ang kawad-on nga nasinatian sa kabus nga pamilya hinungdan nga lisod pugngan ang pagkuyanap sa drugas sa kabaranggayan.

Pagpanghilo sa ALCADEV, Dakong Bakak

Ni Alex Mapoy
NAHADLOK. Gusto na nga mo pauli ang mga bakwit sa ilang dapit nga gigikanan, apan nahadlok kini nga hasi-on sa September 1 Lumad Killers. Courtesy of Karapatan Caraga
BUTUAN CITY – Gipanghimakak sa Malahutayong Pakigbisog alang sa Sumusunod (MAPASU) ang alegasyon batok sa gipatay nga si Alternative Learning Center for Agricultural and Livelihood Development (ALCADEV)  Executive Director Emerito “Emok” Samarca.

Human Trafficking Kuyanap

Ni Alex Mapoy
KUYANAP. Gikinahanglan ang nilangkob ug konkretong lakang nga himuon sa hingtungdang ahensya ug sa katawhan aron masumpo sa hingpit ang maong suliran sa rehiyon.
BUTUAN CITY – Gikomperma sa Department of Justice (DOJ) Caraga nga kuyanap pa gihapon ang Human Trafficking sa rehiyon sa Caraga.

LGUs No Financial Support sa PDEA

Ni Alex Mapoy
PDEA Caraga Regional Director Julius R. Navales
BUTUAN CITY – Giklaro sa kadumalahan sa Philippine Drug Enforcement Agency (PDEA) Caraga nga ni bisan isa ka local government units (LGUs) wala naghatag kanila og pinansyal nga ayuda alang sa pagpakusog sa operisyon sa ahensya batok drugas.

Gikabutyag ni PDEA Caraga Regional Director Julius R. Navales, nag-operate ang ilang buhatan gamit ang kaugalingong panudlanan sa ahensya.

Performance-Based Bonus Gidawat

Ni Alex Mapoy
DENR Caraga Communication and Development Office Supervisor Eric Gallego
BUTUAN CITY – Gikalipay sa pipila ka mga personahe sa Department of Environment and Natural Resources (DENR) Caraga human nakadawat og Performance-Based Bonus (PBB).

VAWC Cases Nabasura

Ni Alex Mapoy
NABASURA. Kadaghan sa mga kaso nga gisang-at sa piskalya, apan kadaghanan usab sa reklamante ang niatras sa kaso labi na kon ang biktima mao ang asawa.  
BUTUAN CITY – Taliwala nga daghan ang nisang-at og kaso sa kalapasan sa Violence Against Women and their Children (VAWC), apan sa lebel pa lamang sa piskalya, daghan ang nabasura.

Pulis Topnotcher sa Pagka-Bababero?

Ni Alex Mapoy
PSupt. Martin Mercado Gamba
BUTUAN CITY – Gipanghimakak sa Police Regional Office (PRO) Caraga nga topnotcher ang kapulisan sa isyu sa pagpangabit.

Una nang nikatap ang impormasyon nga nanguna ang kapulisan kon hisgotan ang pagka-babaero.

Gikabutyag ni PSupt. Martin Mercado Gamba, kanhi Spokesperson sa PRO 13, angkonon nila nga dunay pipila sa ilang kaubanan nga nangabit, apan dili usab matod pa siya mo tuo nga nag-numero uno na ang kapulisan niana nga isyu.

Dugang ni Gamba, walay record nga makapakita nga nagtumbok nga ang mga pulis maoy nahimong topnotcher sa maong bisyo.

Pulis VAWC Violator

Ni Alex Mapoy
VAWC VIOLATOR. Pipila sa mga awtoridad ang nakalapas sa Republic Act 9262 o mas naila nga Violence against Women and Their Children Act of 2004 taliwala sila ang tigpatuman sa balaud.   
BUTUAN CITY – Gi-angkon sa kadumalahan sa Police Regional Office (PRO) Caraga nga pipila sa ilang mga sakop ang nakalapas sa Republic Act 9262 o mas naila nga Violence against Women and Their Children Act of 2004.

DENR Dismayado sa LGUs

Ni Alex Mapoy
DENR Caraga Communication and Development Office Supervisor Eric Gallego
BUTUAN CITY – Dismayado ang Department of Environment and Natural Resources (DENR) Caraga human nasuta nga wala kaayo gamita ang pundo nga gihatag ngadto sa local government units (LGUs).

Bakwit Nagpakilimos ug Nanglungkab Na

Ni Alex Mapoy
SURIGAO DEL SUR – Nagpakilimos ug nanglungkab na ang pipila ka mga bakwit nga lumad sa Tandag Sports Complex tungod sa kalisod nga ilang nasinati bunga sa epekto sa binuhatan sa Bagani Forces.

Epekto sa Pagpangabuso Nagpadayon

Ni Alex Mapoy
Photo courtesy of BCWD
BUTUAN CITY – Padayon pang nasinatian sa katawhang Butuan ang epekto sa pagpangabuso sa kinaiyahan nga hinimoan sa pipila ka indibidwal ngadto sa Taguibo Watershed sa nanglabay’ng katuigan hinungdan nga subsob usab ang gihimo niining information drive ngadto sa publiko labi na sa kabataang magtutungha.

Marijuana Kuyanap sa Butuan

Ni Alex Mapoy
Datos sa rehiyonal nga buhatan sa PDEA Caraga sa unang tulo ka mga kwarter ning tuiga. Data courtesy of PDEA Caraga

BUTUAN CITY – Dili lang shabu ang kuyanap sa dakbayan sa Butuan kondi kuyanap pa gihapon ang tanom matod pa sa demonyo – ang marijuana.

Cottage Gisunog, Gikondina

Ni Alex Mapoy
401st Commander Col. Alexander Macario

SIBAGAT, AGUSAN DEL SUR – Gikondina sa tropa sa militar ang nahitabong pagpangsunog sa armadong lalaki sa cottage sa mga magtutudlo sa Alternative Learning Center for Agricultural and Livelihood Development (ALCADEV) nga nahimutang sa Barangay Padiay, Sibagat, Agusan del Sur adtong Huwebes sa ka adlawon.

Sa impormasyon nga gipaabot ni Jennifer P. Gaitano, ang Monitoring Officer sa  Philippine Information Agency (PIA) Caraga, gikondina ni Col. Alexander Macario, ang Commander sa 401st Infantry Brigade, Philippine Army ang hinimoan sa wala mailhing kalalakin-an ngadto sa naasoy’ng cottage.

Gikabutyag ni Col. Macario, ang bisan unsa nga pasilidad pang-edukasyon, dili angay atakihon ni bisan kinsang grupo.

Dugang ni Col. Macario, ang grupo nga nihimo sa maong pagpangsunog angay lamang manubag.

Organic Farming Lisod I-promote - DA

Ni Alex Mapoy
DA Caraga Field Operations Division Chief Rebecca R. Atega
BUTUAN CITY – Gi-angkon sa Department of Agriculture (DA) Caraga nga naglisod kini pag-promote sa Organic Farming ngadto mga Caraganons nga mag-uuma.

Surigaonon Nalisang; Magahat Niataki

Ni Alex Mapoy
Photo credit to Karapatan Caraga
SAN MIGUEL, SURIGAO DEL SUR – Gikalisang sa mga membro sa  Kahugpungan sa mga Mag-uuma sa Surigao del Sur (KAMASS) human yanong gipatay ang kaubanang membro sa armadong grupo sa P-5 Hagimitan, Brgy. Bolhoon, San Miguel adtong alas – 4:00 sa ka adlawon, adlaw’ng Huwebes.

3 Probensya sa Caraga, Gideklarang Filariasis-Free

Ni Alex Mapoy
DOH Caraga Assistant Regional Director
Cesar C. Cassion
BUTUAN CITY – Tulo ka mga probensya sa rehiyon sa Caraga ang gideklara sa Department of Health (DOH) nga Filaria Free.

Gilangkoban kini sa Dinagat Island ug Agusan del Sur nga pulos gideklara adtong 2009 ug Surigao del Sur nga maoy pinakaulahing gideklara adtong 2013.

Bisan pa man, gipahayag ni DOH Caraga Assistant Regional Director Cesar C. Cassion, ang rehiyonal nga buhatan magpahigayon og Annual Mass Treatment.

Ang maong lakang pagahimuon, sumala ni Dr. Cassion nga salmotan sa katawhan aron masumpo ug mapatay sa hingpit ang “microscopic worms” ug makontrola usab ang mga lamok.

Thursday, November 12, 2015

Kabaranggayan sa Butuan, Apektado sa Druga

Ni Alex Mapoy
PDEA Caraga Regional Director Julius R. Navales
BUTUAN CITY – Tanang barangay sa dakbayan sa Butuan ang apektado ug nasudlan na og drugas subay sa pagkomperma sa rehiyonal nga buhatan sa Philippine Drug Enforcement Agency (PDEA) Caraga.

Butuan Nakuhaa’g 1 Kilo Shabu

Ni Alex Mapoy

BUTUAN CITY – Nitala ang dakbayan sa Butuan nga dunay pinakadaghang indibidwal nga nadakpan ug nakuhaan sa mga sakop sa Philippine Drug Enforcement Agency (PDEA) Caraga og halos isa ka kilo nga shabu subay sa gihimong operisyon sa ahensya sa unang tulo ka mga kwarter ning tuiga.

Pinasikad sa PDEA Caraga Accomplishment Report 2015 nga gihikyad ni PDEA Caraga Regional Director Julius R. Navales, ang dakbayan sa Butuan dunay 19 ka buok indibidwal nga nadakpan sa gihimong operisyon batok druga kinsa nakuhaan og 936.20 gramos nga shabu nga dunay market value nga P7,957,676.20 basi sa Dangerous Drugs Board (DDB) nga presyo.

BMC Giwarningan sa CSC

Ni Alex Mapoy
CSC Caraga Regional Director Resurreccion P. Pueyo
BUTUAN CITY – Gi-warningan sa rehiyonal nga buhatan sa Civil Service Commission (CSC) Caraga ang kadumalahan sa Butuan Medical Center (BMC) ug ubang buhatan sa goberno kabahin sa isyu sa pagkalangan pag-atiman ngadto sa mga kliyente.

Organic Rice Price, Kontrolahon?

Ni Alex Mapoy
DA Caraga Field Operations Division Chief Rebecca R. Atega
BUTUAN CITY – Bunga sa grabeng pagsulbong sa presyo sa organic rice, plano sa Department of Agriculture (DA) nga kontrolahon ang presyo sa merkado.

P100K Financial Assistance Gitunol

Ni Alex Mapoy
BUTUAN CITY – Napahimuslan na sa pamilyang Espino ang “monetary incentive” balor P100,000 isip ayudang pinansyal sa nahibiling kabanay sa empleyado.

Ang monetary incentive gitunol sa rehiyonal nga buhatan sa Civil Service Commission (CSC) Caraga ubos sa pagdumala ni Regional Director Resurreccion P. Pueyo.

Hisayran nga usa ka empleyado sa Agusan del Sur State College of Agriculture (ASSCAT) nga si Jasper Ian S. Espino ang namatay human nakuryentihan samtang nag-duty sa nakalabay’ng mga bulan.

BMC Shortage Imbestigahan

Ni Alex Mapoy
Imbestigahan sa Department of Health (DOH) Caraga kon unsa ka tinuod ang reklamo nga kulang og doctor ang Butuan Medical Center. Nabutang sa level 2 nga kategoriya ang maong ospital, apan kulang ang doctor nga mo atiman sa mga pasyente.

BUTUAN CITY – Imbestigahan sa Department of Health (DOH) Caraga ang isyu sa kakulang sa doctor sa Butuan Medical Center (BMC).

2 Probensya, Gideklarang Malaria Free

Ni Alex Mapoy
DOH Caraga Assistant Regional Director Dr. Cesar Cassion
BUTUAN CITY – Pormal nang gideklara sa Department of Health (DOH) Caraga ang mga probensya sa Surigao del Norte ug Dinagat Island nga Malaria Free Provinces.

Langyaw Nanginlabot sa Pulitika?

Ni Alex Mapoy
TURISTA. Duol sa kasingkasing sa mga langyaw’ng turista ang rehiyon sa Caraga tungod sa kadaghan sa mga nindot nga lugar nga kasuruyan.
BUTUAN CITY – Gikomperma sa kadumalahan sa Bureau of Immigration (BOI) Caraga nga wala pay langyaw’ng turista ang nag-apil apil sa kalihokang pulitika dinhe sa rehiyon.

BMC Shortage, Giangkon; LGU Naningkamot Kaha?

Ni Alex Mapoy
KAKULANGON. Bunga sa kakulang sa doctor sa Butuan Medical Center, ang mga pasyente nga magpakonsulta sa buntag, magabin-an na kini pagpauli. Gitin-aw sa BMC leadership nga naningkamot ang LGU Butuan pagtubag sa maong suliran, apan mag-eleksyon na lang sunod tuig, wala gihapon kini nasulbad.

BUTUAN CITY – Walay lipud-lipod nga gi-angkon sa kadumalahan sa Butuan Medical Center (BMC) nga kulang ang ihap sa ilang doctor nga mo atiman sa tanang pasyente hinungdan kini malangan sa pagpauli.

Dengue sa Caraga, 25 Patay

Ni Alex Mapoy
BUTUAN CITY – Baynte – singko (25) na ang patay gikan sa kinatibuk-ang ihap nga 3,540 ka mga kaso sa dengue sa rehiyon sa Caraga sa unang napulo ka bulan ning tuiga.
Sa maong period, ang siyudad sa Butuan nitala og 4 ka buok patay sa dengue kinsa nanimuyo sa Barangay Pigdaulan, Barangay Ampayon, Barangay Libertad, ug Barangay Amparo.

Basi sa datos sa Department of Health (DOH) Caraga, pinakadaghan nga kaso sa dengue nga natala ang gikan sa Surigao del Sur nga dunay 704 ka buok; 676 sa dakbayan sa Butuan; 645 sa Agusan del Sur; 341 sa siyudad sa Surigao; 307 sa Agusan del Norte; 262 sa dakbayan sa Bayugan; 246 sa Surigao del Norte; 110 sa dakbayan sa Bislig; 105 sa siyudad sa Cabadbaran; 73 sa dakbayan sa Tandag; ug 71 sa Dinagat Islands.

Populasyon sa City Jail, Nisulbong

Ni Alex Mapoy
BUTUAN CITY – Gikomperma sa kadumalahan sa Butuan City Jail nga paspas ang pagsaka sa ihap sa mga piniriso ning tuiga.

Reward Batok Lumad Killers, Gihanyag

Ni Alex Mapoy
Photo courtesy of Karapatan Caraga
TANDAG CITY – Mihanyag na ang probensyal nga panggamhanan sa Surigao del Sur og reward ngadto sa makatudlo ug makadakop sa tulo ka mga suspetsado sa September 1 Lumad Killings human pakyas ang awtoridad pagdakop sa mga nahisgotan.

Gobernong Ospital Gireklamo

Ni Alex Mapoy
BUTUAN MEDICAL CENTER. Mireklamo ang mga buntis nga nagpa-prenatal human dugay kini maatiman sanglit kulang ang doctor sa maong tambalanan
BUTUAN CITY – Usa ka gobernong ospital sa dakbayan sa Butuan ang gireklamo sa pipila ka mga pasyente tungod sa kakulang sa doctor nga mo atiman kanila.

Gamay’ng Ulan; Kalsada Gilunop

Ni Alex Mapoy
LUNOP. Kahimtang sa kadalanan sa dakbayan sa Butuan nga bisan gamay lamang ang ulan, lunopan gilayon kini. Dugay na kini nga suliran, apan mag-eleksyon na lang sunod tuig, wala gihapon kini nasulbad.

BUTUAN CITY – Dismayado ang mga motorista ug sumasakay human naperwisyo sa kalit nga paglunop sa pipila ka mga kalsada dihang gibundakan sa pipila ka minuto nga makusog nga ulan ang siyudad sa Butuan.

Butuan Topnotcher sa HIV-AIDS

Ni Alex Mapoy 
DOH Caraga Assistant Regional
Director Dr. Cesar Cassion
BUTUAN CITY – Human nakadawat og Island of Good Governance (IGG) ang panggamhanang lokal sa dakbayan sa Butuan, nanghawod ang siyudad sa tibuok rehiyon sa Caraga human nag-topnotcher sa Human Immunodeficiency Virus Infection and Acquired Immune Deficiency Syndrome (HIV/AIDS) cases.

Basi sa datos sa Department of Health (DOH) Caraga, nilansang na sa 216 ka mga Caraganons ang nataptan sa maong sakit gikan sa tuig 1995 hangtod sa bulan sa Agosto 2015 diin 14 niini ang namatay na.

Kadaghanan sa mga nataptan ang na gikan sa probensya sa Agusan del Norte partikular na sa siyudad sa Butuan human nakatala og 85 ka buok nga HIV-AIDS patients.

Pinasikad sa datos nga gipagawas ni DOH Caraga Assistant Regional Director Dr. Cesar Cassion, sa bulan lamang sa Agosto ning tuiga, dunay pito (7) ka mga Caraganons ang bag-o nga nagpositibo sa maong sakit pinasikad sa pagkomperma sa STD/AIDS Cooperative Central Laboratory (SACCL).

Langyaw’ng Turista Ipa-deport

Ni Alex Mapoy
BUTUAN CITY – Ipa-deport ang foreign tourist kon kini mapamatud-an nga nilambigit sa kalihokang pulitika dinhe sa Pilipinas.

Pinakabug-at kini nga silot matod pa ni Bureau of Immigration (BOI) Caraga Acting Alien Control Officer Cesar Valdez nga ipahamtang ngadto sa mga langyaw nga turista sa higayon manginlabot kini sa hisgotanang pulitika sa nasod.

Nipalta sa Trabaho, Dili Masweldohan?

Ni Alex Mapoy
NLRC Caraga Administrative V Robert
M. Aying
BUTUAN CITY – Dili makadawat og sweldo ang usa ka empleyado kon kini nipalta sa trabaho bisan pa og duna kini balido nga hinungdan sama pananglit nasakit.

Una nang gipaabot sa usa ka empleyado sa pribadong establisyemento kon nganong wala siya gi-sweldohan dihang siya ni-absent tungod sa pagkasakit.

Sumala ni National Labor Relations Commission (NLRC) Caraga Administrative V Robert M. Aying, dili makadawat og sweldo ang empleyado kon mo absent kon ang estado sa iyang pangimpleyo, dili pa regular.

Ang estado sa reklamante nga nisumbong ning mantalaan ang dili pa regular, hinonoa, usa pa siya ka contractual.

Paningkamot sa Piniriso Gidayeg

Ni Alex Mapoy
BUTUAN CITY – Gidayeg sa kadumalahan sa Social Security System (SSS) Butuan ang paningkamot sa mga piniriso nga makahatag og binulang kontribusyon ngadto sa ilang buhatan.

Hisayran nga bisan panagsa lamang makakwarta ang mga binilanggo, apan nakahimo pa gihapon kini og pagtipig sa pipila ka peso gikan sa kinitaan sulod sa prisohan pinaagi sa paghulog sa kaugalingong AlkanSSSya.